الى بلبل الفقراء .. الشاعر الشهيد رحيم المالكي

رياض الركابي

الحوار المتمدن-العدد: 1994 - 2007 / 8 / 1 - 06:08
المحور: الادب والفن
    

اذا كلت الشعر .. يعني آنه اعنيك
رحيم المالكي .. يعني القصيدة
يابلبل الفقرة ..او غنه الطيبين
او بلسم عالجرح ينزل نشيدة
منو مثلك ترك ورثه دواوين
او خط احروفهن من دم وريده
ابجريدة نزلوا نعيك ابسطرين ؟
الواجب سوده نصبغها الجريدة
الكلمة الباردة .. ابلاطعم لاصوت
او قضية الكلمة لو طاحت شهيدة
ياصايغ الكلمة ابخلك فنان
او حتى ايماءتك جملة مفيدة
القوافي اعنانهن بيدك يخيال
وتحت طوعك ولابيهن عنيده
اليكتب لجل مال ؟؟ ايحصل المال
ويكسب سمو اليكتب عن عقيدة
ياغصّة شعرنه الماضن اتطيب
نبدل اضمادها اوترجع جديدة
لأن الموت شفته ايوحّد الناس
وعداوتها اصبحت بالدنيا اكيده
البست ثوب المنايا ودرت صوبين
وأول من ركض للموت بيده
النريده مايجي ... ومايصح بالايد
اوعجيبه ايجيك كوه الماتريده
ترفه احلامنه .. بس .. تبقى احلام
او مثل نجمة صبح تبقى بعيده
احلم .. يابوحيدر ... منته بالموت
دافي الموت واحلامه سعيده

#رياض_الركابي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات