الصفحة الرئيسية - مهرجان --الناصرية تقرأ-- ألغي -لماذا / على عجيل منهل - أرشيف التعليقات - Rusly Al-Maliki - رسلي المالكي - على عجيل منهل

Rusly Al-Maliki - رسلي المالكي - على عجيل منهل

- Rusly Al-Maliki - رسلي المالكي

العدد: 890183

على عجيل منهل

2026 / 2 / 17 - 06:21
التحكم: الحوار المتمدن

لناصرية مانعين مهرجان كتاب بسبب صورة لصدام حسين على أحد الكتب..
منظم المهرجان جامع آلاف الكتب من متبرعين حتى يسوي مهرجان، جايب كمية منها من بغداد، واصل لسيطرة بذي قار مفتشيه - أحد الكتب بي صورة الريس (همه هيج يسموها جانوا.. الردّاحة للريس)، دكوموا واعتقلوا السايق، راح السايق اتصل على منظم المهرجان، اجه الولد جان يعتقلوه هو هم-
فوك هذا انوب مجلس المحافظة ألغوا المهرجان، وتعال شوف الرطينة..
هاي المحافظات ممنوع واحد يقرا بيها، ممنوع يسوي حفل، ممنوع يحتفل بعيد معين، ممنوع عليه أي شي، لأن قدسية يابة، وهي محافظات طامسة بانعدام الخدمات والواقع التعليمي والتلوث وغركانة لخشمها بالمصايب..
هسه سمعت هاي؟ دسمع اللخ..
واحد مشتري كتاب مال لعبة كيم، لاكفيه عنده كايليله هذا كتاب أثري، مصادريه منه ودازيه لدائرة الآثار تتأكد منه، أدري آشور ناصربال جان عنده بلي ستيشن 5؟! انتو شنو ولكم خبلتونا!!
وعلى طاري الآثار، والله بيكم بوست ابو الجريدة على أدائكم الفاشل، من التنقيبات وصولاً للمتاحف..
#متصيرون_دولة لو تحطون روحكم بيها!!

للاطلاع على الموضوع والتعليقات الأخرى انقر على الرابط أدناه:
مهرجان --الناصرية تقرأ-- ألغي -لماذا / على عجيل منهل