الصفحة الرئيسية - صفارة الحكم / عمر عبد العزيز - أرشيف التعليقات - نقدر ايوة بنقدر - kawsar

نقدر ايوة بنقدر - kawsar

- نقدر ايوة بنقدر

العدد: 88981

kawsar

2010 / 2 / 1 - 10:15
التحكم: الحوار المتمدن

ازاي فيه شىء في لحظة كان ممكن يوم يجمع
ملايين طالعه بتهتف لجل اما الكون دة يسمع
صفاره بتنهي جوله.. يصحي فينا الامل.. نبدا منها البداية
امل في الضلمه يبرق تتفتح بيه قلوبنا نكتب بيه الحكاية
حكاية جديدة خالص لشعب بيندهس
وتملي فرحة ناقص ولازم يتحبس
فجاة بتلقي العيون بتفوق من حزنها
من سكره عايشه فيها ..من ساقيه و دايره فيها
لفرحه في العيون نطت من قلبها
بلدنا اللي بتلعب .. بننتظر البدايه و ينحبس النفس
ومره واحده اصرخ بثوره وبهوس
بلدنا دى اللي كسبت بالدنيا كلها
يتلاشى الحزن فينا يهرب بره القلوب
و يحل محلة فرحة فيها كل الناس تدوب
احاسيس في جمالها توصف و تالف 100كتاب
القاك كاتب قصيدة وفلان طاير يغنى
واشى متحزم بيرقص ترجع دي مصر امي
ولا افضل منها تايهة ولا هى غايبه عنى
ياما نفسي املي يكمل مانا اهة طلعت بقدر
ساعديني و مدي ايدك لو بس فيوم نقرر
ونقومها مرة قومة من الذل للتحرر
وساعتها الفرحه تكمل
تبقي الفرحه بكاس
ليها سندة وعن اساس
عشان طلع بنقدر .. نبقي احنا اعلي ناس

للاطلاع على الموضوع والتعليقات الأخرى انقر على الرابط أدناه:
صفارة الحكم / عمر عبد العزيز