الصفحة الرئيسية - حوار مع الدكتور جودت هوشيار / عبدالرزاق دحنون - أرشيف التعليقات - هاي شلون طرقاعة ؟ - حسين علوان حسين

هاي شلون طرقاعة ؟ - حسين علوان حسين

- هاي شلون طرقاعة ؟

العدد: 865598

حسين علوان حسين

2023 / 7 / 26 - 20:14
التحكم: الحوار المتمدن

الأستاذ الفاضل دلير زنكنة المحترم
كل الصوج من البلاشفة . في جزيرة العرب الشعر الجاهلي كان في القمة، أجوا البلاشفة وخربوا الشعر العربي. بانكلترا الشعر الالزبيثي كان بالقمة، أجو البلاشفة وخربوا الشعر الانجليزي.بالخمسينات و الستينات من القرن العشرين كان الشعر العراقي في القمة، بالسبعينات أجوا البلاشفة و خربوا الشعر العراقي . بلابوش دنيا! .
لو هاي وبس، كنا قلنا مايخالف، بعدين راحوا لليابان وخربوا الشعر الياباني مالت فترة الأيدو بالقرن السابع عشر . لا ، مو بس هاي ، راحوا للسومريين في منصف الألف الثالث قبل الميلاد وخربوا الشعر السومري المسكين كله بتن بتن. .
أنزول عليهم، مضروبين الجلوة . زين ماكفاكم كل هذا ؟ شوداكم يالبلاشفة لأسبانيا بالقرن السابع عشر وخربتوا العصر الذهبي للشعر الأسباني المجيد وما خليتوا على حاله حال؟ هاي شلون طرقاعة؟
زين دقول هاي هم ما يخالف، زين شودّاكم مرة اللخ للعراق وقضيتوا على الكركري و الخرّيط؟ ها ؟ يللا جاوبوا !
فائق التقدير والاعجاب

للاطلاع على الموضوع والتعليقات الأخرى انقر على الرابط أدناه:
حوار مع الدكتور جودت هوشيار / عبدالرزاق دحنون