الصفحة الرئيسية - الرئيس يسأل : أعمل ايه !؟ 2/2 / صلاح الدين محسن - أرشيف التعليقات - افتتاح - هانى شاكر

افتتاح - هانى شاكر

- افتتاح

العدد: 856407

هانى شاكر

2022 / 9 / 17 - 04:21
التحكم: الحوار المتمدن

افتتاح

لقيت مقص في ايدي
وانا بصراحة باحب اقص
ان كان مشروع خيالي
او حتي نُص نٌص

البس احسن هدوم
م الفجر اهب اقوم
اتحقق م المنصة
و أبصلي كام بصة
علي كراسي الحضور
بعدين ارجع و ابص

مشاريعي كالمراجيح
مافيهاش مشروع فصيح
يصرف علي قد مايصرف
او كام دينار راح يتلف
بس أضمن في الميزانية
صبياني ياخدو النص

رعيتي ناس عترة
تعمل حساب العِشرة
راضية بقليلة و ان كان
عيش حاف مع الدخان
لكن ولاد الهرمة
الرافضين النعمة
عاملين قلق مجنون
قالبين علّي الكون
قال ايه: حقوق انسان
ويقولو علّي لص

دلوقت انا في حيرة
خسرت ملوك الجيرة
قالوا يا تدفع ، يا ناخد
ارض و نخل و منافد
مافيش سلف تانى ، بح
ولا بوس اللحي ، مع اللح
و قالوا انت مبذر و تايه
و من البرتقان ولا ( فص )

نِشفت البركة و بانت
زقزيقها و معايا عانت
حتي شاعر التكية
اللي بياخد الماهية
كسر الاقلام وهرب
وضاع معاه النَص

و عجبي

من وحي مسرحية الزعيم
و افتتاح قناة السويس الجديدة
و مقالي الاستاذ صلاح الدين محسن

للاطلاع على الموضوع والتعليقات الأخرى انقر على الرابط أدناه:
الرئيس يسأل : أعمل ايه !؟ 2/2 / صلاح الدين محسن