الصفحة الرئيسية - النظم الرأسمالية : مصطلح فارغ المعنى والمحتوى في واقع اليوم / لبيب سلطان - أرشيف التعليقات - بويا هذا إلهام ربّاني ! - حسين علوان حسين

بويا هذا إلهام ربّاني ! - حسين علوان حسين

- بويا هذا إلهام ربّاني !

العدد: 856380

حسين علوان حسين

2022 / 9 / 15 - 22:43
التحكم: الحوار المتمدن

ذيج السنة ، شافوا شيّاب سلف مضيف -الحواتم الماتنرد- الشيخ سلطان وهو يٌجلس الزعطوط ابنه بصدر المضيف ؛ فقال له أحدهم :
شجاك ياطويل العمر ، شنو أنت اخرفّيت بتالي عمرك وصرت تحط ابنك الزعطوط بصدر المضيف ، وهوا جاهل يخوط بخراه ويقول خوش ؟
رد عليه الشيخ سلطان : الله وكيلك والعباس كفيلك ، هذا ابني هلتشوفه كلش عبقري ، وهوايا يفتهم كلشي وكلاشي . وان كان ماتصدقني ، إسأله وشوف .
هنا احتج الزعطوط وقال : إي والله اني أفتهم كلشي وكلاشي وآنا جايلكم للمضيف حتى أطرح أهمية التحرر الفكري لمجتمعاتنا العربية ، خصوصا العراقي !
هنا ابتدر الشيخ بالقول : شفتوا شلون هذا ابني شقد يفتهم و يغرد مثل فخاتي الجنة ؟
عندها سأل شايب السلف للزعطوط :
تعرف منين يسوون العسل ؟
أجاب الزعطوط : إي هاي سهلة كلش ، اسألني الاصعب منها. .
رد عيه الشايب : لا ، يكفي تجاوب هذا السؤال وبس !
أجاب الزعطوط : العسل بامحفوظ السلامة يسوونه من عصير الفجل الأحمر !
هنا قمز أبوه الشيخ وهويقول : هاي خطوة وخطوتين للعباس أبو فاضل ، حرام علي إن كنت قد علمته هذا ! هو الذي عرفها لوحده . بويا هذا إلهام رباني !
مع الاعتذار لروح الكبير شمران الياسري.

للاطلاع على الموضوع والتعليقات الأخرى انقر على الرابط أدناه:
النظم الرأسمالية : مصطلح فارغ المعنى والمحتوى في واقع اليوم / لبيب سلطان