الصفحة الرئيسية - مفيش فايدة - لماذا نحن سنظل متخلفين / سامى لبيب - أرشيف التعليقات - الجهل الجهل الجهل (5) - سيد مدبولي

الجهل الجهل الجهل (5) - سيد مدبولي

- الجهل الجهل الجهل (5)

العدد: 847169

سيد مدبولي

2021 / 11 / 25 - 14:00
التحكم: الكاتب-ة

نيجي بقى ليوم القيامة تعالى نطبق ما سبق. تخيل نفسك ساكن فى مصر الجديدة وقمت الصبح تروح شغلك وفتحت باب بيتك وخرجت فى امان الله للشارع فوجدت الاتي: ظلام دامس وناس فى الشارع بتجري ومذهولة وكام ناقة واقفين مذعورين بجوار محطة الاتوبيس. سعادتك فركت عينيك وبصيت حوليك ونظرت من بعيد لقيت النجوم ام سلاسل بتتساقط هى وسلاسلها وفيه جبال بتسير فى الهواء. جريت تسأل واحد من اللى بقي له ساعة بيتفرج, إية اللى بيحصل؟ يقول لك يا بيه انت شفت حاجة دة من نصف ساعة الشمس وقعت فى البحر وانا سامع الطشة بوداني اللى حيكلها الدود ومن خمس دقائق القمر حصلها. برضة انت مازلت متردد و لسة مش متأكد هل دة يوم القيامة ولا دة فقط سوء الاحوال الجوية؟ وعلشان انت راجل مثقف وتعرف ان من علامات يوم القيامة ان -العشار عُطلت- حتجري بسرعة تخبط على باب الفيلا اللى ساكن فيها مصطفى جارك الجصاص علشان يجي يحط ايده في ... الكام ناقة اللى واقفين جنب محطة الاتوبيس ويقول لك هل هم حوامل وفى عشر شهور ام اقل؟. هنا الست بتعة مرات جارك مصطفى الجصاص تقولك مصطفى خرج من بدرى يا خويا دة من صباحة ربنا وتليفونه مبطلش رن علشان يقيس حمل نوق ايش في شبرا

للاطلاع على الموضوع والتعليقات الأخرى انقر على الرابط أدناه:
مفيش فايدة - لماذا نحن سنظل متخلفين / سامى لبيب