الصفحة الرئيسية - ماذا يفعل المصريين بعدةانتهاء كارثه جنوح سفينه القناة / جاك عطالله - أرشيف التعليقات - ونستشير الازهر - هانى شاكر

ونستشير الازهر - هانى شاكر

- ونستشير الازهر

العدد: 837758

هانى شاكر

2021 / 3 / 29 - 23:35
التحكم: الحوار المتمدن

ونستشير الازهر
______

يا وابور الساعة تناشر ؛ يا مجبل ع الصعيد
كسروك الحرامية ؛ بتوع السكة الحديد
وولادى راحوا ضحية ؛ السرقة و التبديد
وفلوسنا م الصبحية ؛ع تروح لوزير جديد

دا امره كان مباشر ... لكن ماهوش معقول
العالى ينزل واطى .. عكس الحس المقبول
دى بشر ياناس بتسافر ... فى عهدة سواق مسطول
لا دين دا ولا مفهومية ... ولا طهارة فى الايد

مصر ياولداه مريضة ... لا دوا ولا طبيب
و مراكب شاحطة و غارزه .. وامرها عجيب
و مبالغ تملا خزاين .. فى عاصمة التهليب
و عمارة وقعت يابا ... على ناس مالحقوا العيد

ياترى بكرة هايجى ... و هايلاقينا فين
جوعى وغلابة يابا؟ ... و مرضى ع الصفين
و العسكر فى القصور ... لا عين ، ولا ودنين؟
وشيوخ بيدعوا ليهم ... ويلعنوا العبيد

الليل لو طال ظلامه ... مسيره يطلع نور
على مصر جديدة تانية ... وفيها ناس بتثور
تلعن العسكر و ايامه ... و من معاه بيدور
تنزع تياب العار ... فى يوم رَضٌى و سعيد

....

للاطلاع على الموضوع والتعليقات الأخرى انقر على الرابط أدناه:
ماذا يفعل المصريين بعدةانتهاء كارثه جنوح سفينه القناة / جاك عطالله