الصفحة الرئيسية - الغضب القبطي 1 / سعيد فايز - أرشيف التعليقات - تغاضينا كثيراً .. فماذا كانت النتيجه؟؟ - إنجى

تغاضينا كثيراً .. فماذا كانت النتيجه؟؟ - إنجى

- تغاضينا كثيراً .. فماذا كانت النتيجه؟؟

العدد: 82168

إنجى

2010 / 1 / 16 - 03:38
التحكم: الكاتب-ة

بكيت وتمزق قلبى حزنا على ضحايا مذبحة نجع حمادى..وكتبت
ياأم أحمد .. ياأم حسين .. انتوا ليه ساكتين ؟؟هو ابنى مش غالى عليا زى ما أولادكم عليكوا غاليين ؟؟ولا معقوله تكون الأمهات كمان بالظلم ده راضيين ؟؟
طيب ليه مش سامعه صوتكم بيعلى وينادى معايا بالعدل وبالقصاص ؟؟
من المجرم اللى دبح ابنى من غير مشاعر ولا احساس وليه مش شايفه ايدكم بطبطب عليا وتواسى ؟؟وتحسسنى انى فعلاً فى بلدى بين أهلى ومع ناسى
وان احنا مش فى غابه انعدمت فيها الرحمه وانطلقت وحوشها تنهش فى الضنا وقلوب الامهات تقاسى ..أااااه ياضنايا يانور عينى ..هو انت كنت عملت ايه للقاتل علشان يرفع سلاحه ويهدر بيه دمك؟؟وانت ياقاتل فين قلبك .. ليه مامفكرتش ان ابنى ده حته منى وغالى عليا زى مانت كمان غالى على أمك ؟؟
حرقت قلبى فى لحظه بضغطة زناد منك ولا جه ف بالك إزاى أنا هقدر أعيش من بعد ابنى ولا هامك ..علشان إيه ده كله ؟؟ والدم اللى بيجرى فى عروق ابنى المفروض ان هو نفس دمك ..لكن لاء يامجرم انت دمك سم هارى
دمك لازم يتهدر انت كمان علشان أطفى بيه نارى وتبقى عبره لكل وحش آدمى زيك ولكل مجرم وارهابى يفكر فى يوم انه يحذو حذوك

للاطلاع على الموضوع والتعليقات الأخرى انقر على الرابط أدناه:
الغضب القبطي 1 / سعيد فايز