الصفحة الرئيسية - الدونية القومية لدى بعض المصريين / طلعت رضوان - أرشيف التعليقات - كله إلا الكفيل - هانى شاكر

كله إلا الكفيل - هانى شاكر

- كله إلا الكفيل

العدد: 818761

هانى شاكر

2020 / 4 / 28 - 05:57
التحكم: الحوار المتمدن

كله إلا الكفيل
_______

وبهية فى المحاكم ، شدت واحد وكيل
فصيح و كله ذوق ، ف العلم مالوش مثيل
يرقع ويسكى و بانجو ، مالوش ف الجنزبيل

وقف امام القاضى ، قال اسمى ن. اسماعيل
موكلتى بهية جنابك ، موهوبة فى التمثيل
طلعت بعقد عمل ، غامض و كمان طويل

ف الشغل هناك قالولها ، لازمك واحد كفيل
و لا رد لأوامره ، حتى لو كان سئيل
لكن دا كان إرارى ، و كمان طلع بخيل

بهية شقت بطنه ، كتمت نفسه بمنديل
كيف يمد إيده ، على بنات النيل؟
القاضى سكت و سَهَم ، باينه كان عليل

قال القاضى إعدام ، و غرامة م التقيل
انا ما بيدى حيلة ، دا شرع إله عنتيل
وورد فى حديث معنعن : كله إلا الكفيل

و عجبى

....

للاطلاع على الموضوع والتعليقات الأخرى انقر على الرابط أدناه:
الدونية القومية لدى بعض المصريين / طلعت رضوان