الصفحة الرئيسية - البصرة صارت دبي .. صلوا علنبي ..!! / جاسم المطير - أرشيف التعليقات - بصرتنه ماعذبت محب - علي

بصرتنه ماعذبت محب - علي

- بصرتنه ماعذبت محب

العدد: 81541

علي

2010 / 1 / 14 - 10:15
التحكم: الحوار المتمدن

يا اخي جاسم البصرة مثل الصبورة ماكولة ومذمومة .
مستشفيات البصرة (الجمهوري والتعليمي )عسا ماشافتهه عينك , وبعض الاطباء يرفض اجراء العمليات فيها بسبب الامراض المستوطنة فيها وتلوث كل اقسامها .
الشوارع اللي بلطت مادامت شهر وباول مطرة اتكشعت وطلعت عيوبها .
مليارات الدنانير صرفت على تبليط ارصفة فقط والشوارع طين وبرك ومستنقعات
مااعرف شنو هالمعمل المحظوظ اللي زود العراق كله بكتل التبليط قال البعض من الكويت والاخر قال من ايران ومانعرف شنو السالفة .
ماي الاسالة لايستعمل فقط الا للابريق لملوحته وتلوثه وسوى بينه حكة داخلية .
الكمية اسكت وخلليهه سكته ماكو .
الامن مو من فضل احد لان تعرف طبيعة اهل البصرة .
محلات المشروبات صكروهه علينة وعلى فروخنه الشباب ومن واحد يريدله حاجة يروح الى من كان منتسبا لجيش المهدي .
التجاوز مستمر على المال العام والخاص ايضا
الانهار اللي جروهه والطين على الجرف ورجع مرة ثانية للنهر
الكهرباء عذاب ودمار
الرشاوي على قدم وساق في كل دوائر المحافظة
عصابات سرقة السيارات الحديثة تعمل بوضح النهار
بناء ماكو -تعمير ماكو-نظافة ماكو - زبل اكو - مستنقعات اكو
هاي هية

للاطلاع على الموضوع والتعليقات الأخرى انقر على الرابط أدناه:
البصرة صارت دبي .. صلوا علنبي ..!! / جاسم المطير