الصفحة الرئيسية - الاشتراكية كانت كذبة كبيرة / كريم مروة - أرشيف التعليقات - الأستاذ يعقوب أبراهامي المحترم ، ت 15 - حسين علوان حسين

الأستاذ يعقوب أبراهامي المحترم ، ت 15 - حسين علوان حسين

- الأستاذ يعقوب أبراهامي المحترم ، ت 15

العدد: 793364

حسين علوان حسين

2019 / 5 / 14 - 22:04
التحكم: الحوار المتمدن

أحرِّ التحايا من بلدك الأول ، والأولى تحلى ولو كانت وحلة ! إشتقت إليك ، وبصراحة - خليها سنطة لأن قصدي شريف - إحتمالك وارد جداً .
وضعي الصحي متدهور جداً جداً والحمد لله ، ونظري ضعف كثيراً جداً جداً والعياذ بالله . شوف شلون راح أقلبها تعزية مُلّائي وآنا بتوالي العمر .
ألف رحمة على أخي الكبير الشريف الكريم حسقيل قوجمان الجميل الطيب الذكر ، مكانه خالي . كان حلو ومتنوع مثل تمر البصرة ، وأحمر ورويحته خضرة مثل رقي الموصل ، وأريجه عبق مثل برتقال بعقوبه . يعني جامع من كل بستان وردة .
خليها سنطة ، فوزي ضربني بوري مْعدّل وما وفَّا ! -ضربني بوري- هاي إنت همزين مالحّقت عليها ، إسأل عنها صديقنا الزيرجاوي ، يجوز يعرفها ، لأن بيها شويّة إنَّ .
يعني ، خصم الكلام ، دا أقرأ وأكتب -بالواسطة- . هم ما يخالف ، أحسن من ماكو ؛ والواسطة بالآخرة هي الفاخرة !عيني حُبْحُب ، إنت شلونك ؟ و الأهل شلونهم ؟ أولاد عمنا العراقيين شلونهم ؟ أبشّرك : شريف وحداد بعد مابيه شرب ؛صار محل مال تجهيزات رياضية . وسينمات بغداد كلهن عزلن وصارن مخازن ، ومقاهي شارع الرشيد عزلن ؛ بقت بس الزهاوي وأم كلثوم وحسن عجمي .
سلامي وتقديري

للاطلاع على الموضوع والتعليقات الأخرى انقر على الرابط أدناه:
الاشتراكية كانت كذبة كبيرة / كريم مروة