الصفحة الرئيسية - عروبة , يهودية , مسيحية و .. إسلام .. / هيام محمود - أرشيف التعليقات - هَمهُم الوحيد ـ 2 - ركاش يناه

هَمهُم الوحيد ـ 2 - ركاش يناه

- هَمهُم الوحيد ـ 2

العدد: 765446

ركاش يناه

2018 / 4 / 9 - 08:58
التحكم: الحوار المتمدن

هَمهُم الوحيد ـ 2
_____

مشعوذة عارية تطير
طاير وراها 100 غفير
هربت بعيد ولو أنها
كات لسة قايمة م ألسرير

ألدنيا قوم قامت عليها
جُم للأمير للبت فيها
قال هاتوا لى عاليها واطيها
وأضربوا على كل نفير

راحوا لمولانا العباس
وصفوها باللون وألمقاس
حلفولوا .. دى قالعة اللباس
دى مصيبة وألأمر خطير

مولانا بسمل وحوقل
هرش كمان شَعرُه ألمقمل
حسب يمين حسب شَمَلْمَل
ورقع قزازة بول بعير

قال ألأمام دى داهية سودة
دى هى لازم بنت عودة
عبدى ألحقير إللى عَكَشْتُه
فى غزوة ألعيد ألكبير

كان نفسى فيها من زمان
لكن دى بتنط ألحيطان
مُهرَة ولا ألف حصان
نَفَسْها أروق م ألعبير

ساحرة .. ووراها ألف جن
لكنها .. ممكن تحن
لو خدتوا قلب عليل يئن
من بين قلوب ألعصافير

عملوا ألخديعه ووقعوها
وكسروا قُرمة أبوها
فرح ألأمير لما جابوها
وكل عام وأنتم بخير

...

للاطلاع على الموضوع والتعليقات الأخرى انقر على الرابط أدناه:
عروبة , يهودية , مسيحية و .. إسلام .. / هيام محمود