الصفحة الرئيسية - مُصلى في مقر الحزب الشيوعي العراقي / كريم الثوري - أرشيف التعليقات - ليس المشكلة ان يصلي الفرد - علي سوادي

ليس المشكلة ان يصلي الفرد - علي سوادي

- ليس المشكلة ان يصلي الفرد

العدد: 7471

علي سوادي

2009 / 1 / 27 - 17:01
التحكم: الحوار المتمدن

خوية ابو ادعير ماعرف شنو الثوري يعني انت من اهل الثورة لو ثوري بالمعنى السياسي هذا اول باشتان.
زين يعني شكو بيها اذا شيوعي يصلي هل اتخل توازن الكون او انهزمت فلسفة ماركس,اذا مايصلي يكولون كافر واذا صلى ايكولون منافق وانتهازي, والله بلوة هو هيج الحجي لو فكر وفلسفة ودراسة تاريخ الشعوب وتراثها ومورثها اليومي المرتبط .طبعا انا ضد هاي الاشياء واعمل من اجل ان يتطور عقل الفرد بس التطور مو بس الحزب الشوعي ولكن هي مرحلة تاريخية وتشكيلة اجتماعية كاملة وتعليم ودولة وصحة وافلوس , يعني مو الحزب الشوعي مسوؤل.بالدين والسحر والخرافة والغيب, لو بكيفك ابو ادعير.
انا شخصيا لااصلي واسكر يوميا واموت على العرك ,بس من حق الاخر شيوعي كان ام مو سياسي ان يمارس اي طقس بشرط مو متطرف انا مع المصلين وليس مع المتطرفيين ,يعني لو فلاح من الجنوب او من كردستان انتمة للحزب لازم ايكولون له بطل من الصلاة حتى انقلك لو الحزب هو تنظيم اجتماعي سياسي طوعي,
ابو ادعير روح البي مادام كنت في لبنان ,اكيد انت تعرف ان الحياة الروحية للفرد لاتنهتي بمجرد دخوله لاي حزب , بالمناسبة انا مو شيوعي صدقني بس احب الشيوعيين لان لي منهم اجمل الاصدقاء
.نصهم يسكرون ويصادقون وبنفس الوقت يحترمون مشاعر الناس ارجوك لاتختلط ولاتفكر غلط ,

للاطلاع على الموضوع والتعليقات الأخرى انقر على الرابط أدناه:
مُصلى في مقر الحزب الشيوعي العراقي / كريم الثوري