الصفحة الرئيسية - وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ [المتنبي] / كاظم حبيب - أرشيف التعليقات - سؤالان - أبو كريم

سؤالان - أبو كريم

- سؤالان

العدد: 739825

أبو كريم

2017 / 8 / 19 - 20:47
التحكم: الحوار المتمدن

دختور بروح ابوك تسمح لي بسؤالين
الأول
يعني انتو صدكَـ ما جنتوا تعرفونهم كَبل مؤتمر لندن أقصد كَبل الاحتلال؟ وهسه يالله عرفتوهم بعد اربعطعش سنة؟
الثاني
انت تكَول
ودجلهم بالدين والتمسح بأذيال المرجعية الشيعية بالنجف، التي لفظتهم أخيراً بعد أن جلبوا لها وعليها الكثير من الإساءات والمتاعب
ليش هيّه المرجعية مو مسؤولة عن بعض، ما نكَول كل اللي صار؟ ليش تريد تبيّض صفحة المرجعية؟ لو هذا الكلام جواز مرور لهاي المقالة حتى لا تجيك حجاية؟ خاف تخدش مشاعر المرجعية وتصير مشكلة؟ ثم هيّه المرجعية إلمن؟ ميخالف.. هاي هم خلها تفوت.. زين المرجعية هسه ما تكَدر تتخذ موقف شديد من هؤلاء (اللي وصفتهم بأبشع الأوصاف) .. تكَدر هالمرجعية لو ما تكَدر.. أكو ناس يعتقدون أن المرجعية تكَدر تطيرهم بنفخة..لكن اذا ما بيها حيل حتى تنفخ.. يعني هيّه حدَيْده عن الطنطل! شنو فائدتها؟ وليش صارت -مرجعية-؟ بعدين شنو يعني مرجعية؟ احنه وين كَاعدين، بيا عصر؟ بيا قرن؟ المرجعية هيّه إلمن وشنو وظيفتها إذا ما -توجّه- الحكام -المتديّنين- المحسوبين عليها، وتنهاهم عن السرقات العملاقة وعن
الاهمال والجرائم؟ شنو نفعها اذا محّد يسمعها؟
تحياتي

للاطلاع على الموضوع والتعليقات الأخرى انقر على الرابط أدناه:
وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ [المتنبي] / كاظم حبيب