الصفحة الرئيسية - هل سيشعل ترَمْب حرباً نووية ؟ 3-3 / حسين علوان حسين - أرشيف التعليقات - هاي شلون دبّرتها ؟ - حسين علوان حسين

هاي شلون دبّرتها ؟ - حسين علوان حسين

- هاي شلون دبّرتها ؟

العدد: 738838

حسين علوان حسين

2017 / 8 / 14 - 21:37
التحكم: الحوار المتمدن

الأستاذ الفاضل عامر سليم المحترم
تحية حارة
ما تگلي هاي شلون دبّّرتها ؟ إي مو هذا المگرود خطية ، راح تخليه يفرفح و يهلس هلشكم شعره الباقية براسه هلس ، و تصير بيه بجله ، و تخش بخطيته .
إي شويا على كيفك وياه ، رفقاً بالزرازير ... ما يصير ، شفته زرزور حلو و منقش و فقير و مؤدب و خجول ، و گمت تدوس بيه بخانه ، ميصير . بالله إذا طگ بيه شرجي ، وين تنطي وجهك ، وين تروح ؟ ها ؟
دزله سويكه لو حامض ، لو حرز ، لو بازبند ، أخاف تصير بيه خرعه ، و تبتلي انت بالخالي بلاش من وراه ، و تاليتها تگول بيش بلشت يا بو بشت . شويا انطيه فنتگ و چور ، أي ما يصير تخسّره كل الدعابل مالته و يرجع للبيت إيد من ورا و إيد من گدام و يخطب عليك و علينا هذا الخطاب الأزلي : .
شوفي إنتي جندي ابو خليل ، أنتي لازم تطبقين الفرزة بالشعيرة ؛ خوش ، لو موخوش ؟ خوش . سحيح ، لو مو سحيح ؟ صحيح . تمام ، لو مو تمام ؟ تمام . إزا أنتي ما تطبقين الفرزة بالشعيرة ، شنو راح يسير ؟ راح يسير وزاويز مال نَنَوْ نَنَوْ ! خوش ، لو موخوش ؟ خوش . سحيح ، لو مو سحيح ؟ صحيح . تمام ، لو مو تمام ؟ تمام ، و علهرنه طحينچ ناعم.
مع فائق التقدير و الاعتزاز .

للاطلاع على الموضوع والتعليقات الأخرى انقر على الرابط أدناه:
هل سيشعل ترَمْب حرباً نووية ؟ 3-3 / حسين علوان حسين