الصفحة الرئيسية - رائد فهمي - سكرتير اللجنة المركزية للحزب الشيوعي العراقي - في حوار مفتوح مع القارئات والقراء حول: التغيير .. نحو الدولة المدنية الديمقراطية ، دولة المواطنة والعدالة الاجتماعية. / رائد فهمي - أرشيف التعليقات - انزعوا الاقنعه - Abdulkarem J. Al Mansory

انزعوا الاقنعه - Abdulkarem J. Al Mansory

- انزعوا الاقنعه

العدد: 722548

Abdulkarem J. Al Mansory

2017 / 5 / 3 - 07:17
التحكم: الكاتب-ة

بعد اربعطشر سنه خدمه فسانوي بتؤلي
اءاف المدارس بازت ياجدعان......
اصحه عمي اكعد صارت دنيا الظهر.....
وين جنت من2003لحد الان.تريد دوله مدنيه
لعد الدستور شمكتوب بي مو صوتوا عليه
يعني موافقين عالموجودبي لو هسه طلع بي
غلط مطبعي.
3 دورات نيابيه انتو بيهه ليش مغيرتوا بالدستور
الى دوله مدنيه والاسلام السياسي هو خطه
امريكيه لضرب الاسلام على يد شله لادين ولا
ديانه .وانتو مو دخلتوا ويه المحتل الامبريالي
وانتم دعاة الاشتراكيه عمي تره هوايه من
الشيوعيين الكبار بالعمر واللي يعرفون اللعبه
كعدوا ببيوتهم وسكتوا دياخذون راتب السجناء
السياسيين وياكلون ويوصوصون حغاظا على
كرامتهم.بعدين رجال الاسلام السياسي مو
رفاقك بالبرلمان والحكومه كلهم قاطبة واصدقاء
السهر بالليل....
عمي ولد التيار المدني الشباب صار الهم جم
سنه بالمظاهرات بساحة التحرير والمحافظات
والمفروض انت قيادي بالحزب تطلع على راس
التظاهرات تقودهه لان المتظاهرين لحد الان
بدون قياده ولتكول احنه نوجه التظاهرات حسب
متطلبات الموقف المتظاهرين والشعب المظلوم
يريد بس واحد بالدوله يقودهم ويلتف عليهم وانتو
عايفين الويلاد وحدهم....مره تلتفون على التيار
الصدري مره تزعلون عليهم مو انت رجل قيادي
والمفروض اجيتو لتغيير نظام الطاغيه صدام
اشو طلعوا اللي جيتوا وياهم هم طاغيه واكلوكم
اكل من هالفج لهذا الفج ..
هسه تريدون دوله مدنيه وره مالشعب بعد
شبع فقر وقتل وتهجير ونزوح وووووووو
وشباب ضايع لاشغل ولا مشغله ويتامى
وارامل ومعوقين وووووووووووو
عمي تره الحجي هوايه بس والله ماكو
قرصاغ...ولا واهس....
يعني متعرفون الانتخابات مزوره زين اياد
علاوي مو اسلامي ليش مخليتوا اديكم بيده
ولو هو خان الامانه وملايين الاصوات اللي
انتخبته ضربهه بوري وانطاها للمالكي ....
المهم الحجي طويييييييييييييل وهوايه..
انزعوا الاقنعه

للاطلاع على الموضوع والتعليقات الأخرى انقر على الرابط أدناه:
رائد فهمي - سكرتير اللجنة المركزية للحزب الشيوعي العراقي - في حوار مفتوح مع القارئات والقراء حول: التغيير .. نحو الدولة المدنية الديمقراطية ، دولة المواطنة والعدالة الاجتماعية. / رائد فهمي