الصفحة الرئيسية - معمم--- يشغل العراقيين- على باقر النجفى / على عجيل منهل - أرشيف التعليقات - الملا عبود الكرخى - على عجيل منهل

الملا عبود الكرخى - على عجيل منهل

- الملا عبود الكرخى

العدد: 691905

على عجيل منهل

2016 / 8 / 22 - 08:49
التحكم: الكاتب-ة

حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ

للاطلاع على الموضوع والتعليقات الأخرى انقر على الرابط أدناه:
معمم--- يشغل العراقيين- على باقر النجفى / على عجيل منهل