الصفحة الرئيسية - إنهم ينفقون على الجن بسخاء-لماذا نحن متخلفون / سامى لبيب - أرشيف التعليقات - يا استاذ مروان - سيد مدبولى

يا استاذ مروان - سيد مدبولى

- يا استاذ مروان

العدد: 640730

سيد مدبولى

2015 / 9 / 3 - 21:14
التحكم: الحوار المتمدن

لية قصة يا استاذ مروان تختلف بعض الشئ عن قصة شارعكم....ايام الزمن الجميل كنا بنذاكر قبل الامتحان شلة اصحاب مع بعض ولا حد قال دة مسيحى ولا دة يهودى ولا دة كافر لأن اللى كان (ومازال) يهمنا هو الانسان مش معتقدة (ودة لو كان له معتقد) ...وكان لينا صحبنا دانيال (وطبعأ من اسمه يبقى سلفى بلحية) يسيب النور منور فى الحجرة اللى بنذاكر فيها وبدل مايطفى النور وينام زينا او حتى يكمل مذاكرة كان بيتمتم -يارب نجح عبدك دانيال - ساعدنى على الفهم يا سيدى....) وهات كلام من دة طول الليل ومكناش بنعرف ننام من تمتمته ومن النور اللى فى الحجرة. وقبل الامتحان بأسبوع الحالة زادت عنده ومكنش بيذاكر بس زود التمتمة والسهر. وخرج اخونا دانيال من الحجرة لمدة دقيقة وقام بسرعة صاحبنا محمود مستخبى خلف الستارة. ورجع اخونا دانيال وابتدأ يتمتم -يارب نجح عبدك دانيال ...- راح محمود من خلف الستارة غير صوته وندي عليه -دانيال دانيال- -قام دانيال رد: نعم يارب عبدك دانيال سامع... محمود من خلف الستارة: اطفى النور ونام يابن الش...وقعدنا نضحك اكتر من نصف ساعة على صدمته...المهم دانيال تقف نهائيأ عن التمتمة واعتقد إنه لحد. تحياتى

للاطلاع على الموضوع والتعليقات الأخرى انقر على الرابط أدناه:
إنهم ينفقون على الجن بسخاء-لماذا نحن متخلفون / سامى لبيب