الصفحة الرئيسية - ازمة الفكر بين الواقع العربي و المنظور الكوني.... ماهو الاختلاف ؟ ( 1 / 15 ) / عامر سليم - أرشيف التعليقات - الاخ العزيز عبد الرضا المحترم..... 1 - عامر سليم

الاخ العزيز عبد الرضا المحترم..... 1 - عامر سليم

- الاخ العزيز عبد الرضا المحترم..... 1

العدد: 607543

عامر سليم

2015 / 3 / 2 - 04:20
التحكم: الحوار المتمدن

تحيه طيبه وبعد
تدري ومالك عليّه يمين.. عيوني دمعت من الضحك من قريت السطر الاول من تعليقك لان لخصت المقال بيها...الله يجعل كل ايامك ضحك وسعاده..ذكرتنا بالموسكوفيج واللادا والفيات من جانت تدخّن ونظل نكفّر! دخان صاحبنا مو بس من الكازكيت هذا المحرك كله كايم وينرادله تجفيت كامل! خلصنا من السيارات المدخّنه ..طلعولنا الكتّاب المدخنين..واحنا بقينا نكفّر..عليه سأقترح على موقع الحوار المتمدن استحداث محور جديد للكتابات وهو محور .. كتابات مدخّنه!
شوف اخويه..راح اسولفلك القصه من البدايه (اني مجاز يومين وراح استغل زيارتك وادك فج وياك)
قبل يومين تخربطت معدتي وصارت عندي الام حاده ..رحت للدكتور كال شوف لو مخربط بالاكل لو دتقره مقالات مخربطه! ابتعد عن المقالات والاخبار السيئه قدر الامكان..كتله دكتور دخيلك.. متقره شديصير بالوطن الدواعش مثل الجراد يزحفون ولايتركون ورائهم الا التراب.. لابشر ولانبات ولا حتى الحجر سلم من معاولهم.. كال شبيدي عليك..ارتاح اسبوع بلا قراءه او مشاهدة التلفزيون تره القرحه راح تدك باب معدتك!
اخذت بنصيحة الدكتور وكلت اكتب شويه.. واقرأ بعض مقالات الحوار البعيده عن الدواعش
يتبع

للاطلاع على الموضوع والتعليقات الأخرى انقر على الرابط أدناه:
ازمة الفكر بين الواقع العربي و المنظور الكوني.... ماهو الاختلاف ؟ ( 1 / 15 ) / عامر سليم