الصفحة الرئيسية - متى يطمئن مرسي؟ / فاطمة ناعوت - أرشيف التعليقات - ظلموك يا مرسي - رمضان عيسى

ظلموك يا مرسي - رمضان عيسى

- ظلموك يا مرسي

العدد: 532945

رمضان عيسى

2014 / 3 / 6 - 22:02
التحكم: الحوار المتمدن

ظلموك يا مرســـــــي لما قعدوك ع الكرسي
ده الكرسي فن وكياسة مش لبس جبة ورئاسة
ده الكرسي خبز وحرية مش عِزبة وسلطة حزبية
ده الكرسي خدمة إنسان مش الأذان في البرلمان
+ + +
وظلموك يا كرسي لما جابولك مرســــي
ده مرسي عبد مأمور وميعرفش يلف ويدور
مأمور من المرشد ومن النهضة والنور
فكر نفسه حوت كبير وهو أصغر من قنطور
عايش في مية عكرة وما بيعرف إيه المغمور
وعايش ومش داري إيش حواليه بيـــــدور
+ + +
ظلموك يا مرســــي لما قعدوك ع الكرسي
ظلموك لما قالوا لك الاســـــلام هو الحـــل
وانت ما بيــــــــدك لا ربط ، ولا حل
وقالوا لك انت المختار والمرشد قال واختار
وانت حَلالْ المشاكل لكل فلاح وعامــل
ثمانين سنة بنستنى ونحلم ونتمـــــنى
احنا دُعاة الخلافة والكذب بعيد عنــا
وإنت ابن الديمقراطية وانت صوت الحرية
وانت درع الخلافة لكل الأمة العـــربية
* * *
الشعب له مطالب جدّية مش دعاية أصوليــة
عايز خبز وحرية وكلام واضح مية المية
وبقيت داير محتار لما الشعب عليك ثار
ولما حسيت بالخطر صرخت وينك يا قَطرْ
ده قطر مأمـــــورة وما بتنفعك عند الخطر
وقعت في حيرة بين الشاطر وطلبات الشعب الثاير

للاطلاع على الموضوع والتعليقات الأخرى انقر على الرابط أدناه:
متى يطمئن مرسي؟ / فاطمة ناعوت