الصفحة الرئيسية - تنبيط –خربشة عقل على جدران الخرافة والوهم. / سامى لبيب - أرشيف التعليقات - إذن,إحكى يا شهرزاد_02 و الحِدِء يفهم - حازم (عاشق للحرية)

إذن,إحكى يا شهرزاد_02 و الحِدِء يفهم - حازم (عاشق للحرية)

- إذن,إحكى يا شهرزاد_02 و الحِدِء يفهم

العدد: 506441

حازم (عاشق للحرية)

2013 / 11 / 11 - 12:58
التحكم: الحوار المتمدن

نكمل يا مولاى ,فى بلاد الشاطر حازم بيعاملو حبيبته حرية إزاى:
لو حرية إكتشفوا انها على علاقة بواحد,تبقى فاجرة و يتوّبوها و يجروا يجوّزوها و يخلصوا من عارها (او يعملولها لجنة محاكم تفتيش من عيلتها تراقبها)

لو حرية طالبت بمساواة مع الراجل يعايروها و يتتريأو عليها

لو حرية لبست ع الموضة و كشفت شعرها و اهتمت بنفسها و جمالها يقولوا عليها ماشية على حلّ شعرها و مشيها بطّال و انها أليلة الأدب

لو حرية تكلمت عن خصوصياتها بصراحة و من غير خجل زى اى انسان حر يوصفوها انها أليلة الرباية و ماعندهاش أخلاء

وحاجات تانية كتيير يا مولاى, و الشاطر حازم بعد ما إكتشف ان شكوكه دى كلها حقيقية بعد ما السحرة الطيبين فى جزيرة الحوار المتجدد كشفو له الدنيا على حقيقتها و إتأكد انه ما كانش غلطان زمان لما شك ان حبيبته مش بس مخاصماه,لأ دى كمان المارد الشرير خاطفها(غريبة انه ما شافهاش من مدة)

الشاطر حازم زعل و إكتئب و راح يغنى أغنية حزينة لهانى شاكر (لو بتحت حئيئى صحيح,كنت وئِفت فى وش الريح, ما كُنتش سيبت ألبى جريح....)
وفجأة فى وسط ما هو حزين وسارح خارج الخطوط الحمرا , نزل الألم على أفاه من الكبير

يتبع يا مولاى

للاطلاع على الموضوع والتعليقات الأخرى انقر على الرابط أدناه:
تنبيط –خربشة عقل على جدران الخرافة والوهم. / سامى لبيب