الصفحة الرئيسية - جَرايِد گَبُلْ 121 / صوفيا يحيا - أرشيف التعليقات - معين الخياط- كندا: نائب وعنده حمايه اتضَيْع عدد - غريب بصري

معين الخياط- كندا: نائب وعنده حمايه اتضَيْع عدد - غريب بصري

- معين الخياط- كندا: نائب وعنده حمايه اتضَيْع عدد

العدد: 499898

غريب بصري

2013 / 10 / 13 - 16:30
التحكم: الحوار المتمدن

همر، ايفادات، بوگ، شنهو التريده بعد
انتو قصور واحنه نسكن بيت طين
قسم غصت بالنعيم وكثره كاتلها القهر
الوزير اربع دفاتر وبس ورقتين لمعين
ماكو انصاف وعـداله والتقـاعد ضگنه مُرّه
الفقير الماله أحـّد بالوظيـفه يفني عمره
او واحـد ايورّق دفاتر خدمته اربع سنين
صحنه يمعودين كافي خلوا حصه للفقير
بس عليمن نعتب احنه وماكـو نگـطه اعله الجبين
***
عمّي ياهل العمايم هالفعل والله حرام
اتصلح ابـّاسـير تاخذ بالملايين التمام
ابصبر يگضي الشهر خاوي ينتظر كيلو طحين
بلا جهد وبلا تعب
شو عله غفلــه الخزينــه اشما ورد ليهــــا انـّهب
علامــات الشـــهامه
تاكلــون بكل اديكــم اوخـَلها جوعانه اليتامه
لا شــَرع يرضــه ابفعلكـم ولا أصـول وحُكم دين
خلّوا بالآذان گطنـه وعن شعبكم غمضوا
مجلس النوّام أكثر من ثلثمية عضو
وعلي دَز ســلمان حاكم حصير وابريگ الوضو
ليش ما خذتوها عـِبره من أمير المؤمنين

كلهـا شهرين، ستـه وحته لو وصـّلت عشره
انشـوف اصحاب الحواسم للشراده امهرولين
امن الجواعه اتبوگ تنهب وين چاذاك اليمين
ويلّذي تدري اعله شخصك صار بالشارع لغط
ما يهمـّك كل حچيهم ملتهي بس بالشفط
انته گاعد عله الكرسي وبارك الله بالنفط.

للاطلاع على الموضوع والتعليقات الأخرى انقر على الرابط أدناه:
جَرايِد گَبُلْ 121 / صوفيا يحيا