الصفحة الرئيسية - كم هرمًا من الجثامين تكفيكم؟ / فاطمة ناعوت - أرشيف التعليقات - بحبك يامصر - حسنين قيراط

بحبك يامصر - حسنين قيراط

- بحبك يامصر

العدد: 490411

حسنين قيراط

2013 / 8 / 23 - 22:45
التحكم: الحوار المتمدن

رغم أنف الخوف الطابق في النفوس
رغم العضم الناخر والمدشوش
من سرطان المنحل المرشوش
رغم تلال الهم فوق الروس
رغم جبال الغم الساكن
في كل الوشوش
من ظلم الظالم وفساد العروش
رغم أنياب الوحوش
اللي مصت كل الغموس
رغم أنف الكآبة
اللي عاش فيها الغلابة
رغم أنف كل صايع
جانا من نظام فاسد وضايع
رغم أنف كل بلطجي مدسوس
رغم الفساد اللي خلي طعم الخبز سوس
رغم المرارة م اللي كان
واللي كنا مش عارفين
أمتي يزول أبشع كابوس !
أمتي نقول :
ظلم مفيش !
قهر مفيش !
جهل مفيش !
فقر مفيش !
خوف مفيش!
بحبك يا مصــــــــر
مادام لحمي من ترابك
ودمي من شرابك
بحبك يا مصر
ولما أموت في حضنك هعيش.

للاطلاع على الموضوع والتعليقات الأخرى انقر على الرابط أدناه:
كم هرمًا من الجثامين تكفيكم؟ / فاطمة ناعوت