الصفحة الرئيسية - عوده الى بوس الاحذيه والجزم....ساخر / جان نصار - أرشيف التعليقات - العرب مثل اللي راجع بالسيارة رفرس وهو بطلع لقدام - بشارة خليل قـ

العرب مثل اللي راجع بالسيارة رفرس وهو بطلع لقدام - بشارة خليل قـ

- العرب مثل اللي راجع بالسيارة رفرس وهو بطلع لقدام

العدد: 464444

بشارة خليل قـ

2013 / 4 / 12 - 21:00
التحكم: الحوار المتمدن

الله يغلبك (بالمغربي) ويعطيك العافية بالفلسطيني او الاردني وليس بالمغربي, يا جان
هاي يا سيدي من غرائب الاعاريب شغلة الاضداد مش بس باللغة لكن لاحقتنا كمان باللهجات
محسوبك قاعد بالبيت لا اله ولا عليه
برن جرس الباب..ولا طالل واحد مغربي ببيع سجاد عرقان ملتعن ابو نفسه تعب وحم
والله محسوبك بتعرف النخوة العربية, دخلناه على البيت والمدام عملته كاسة قهوة عربية من قاع الدست بعد ما محسوبك انعشه بالمرطبات واخذ نفسه الزلمة بلش يسأل من وين انتو, قلناله من فلشطين وشو هالبيت الحلو..الخ وبعد قليل تأهب للانصراف, فرافقته الى عتبة البيت عندما تفوه بما لم يكن محسوبك يتوقعه
قال: الله يغلبكو
لك ليش الله يغلبنا؟
نظرته اوحت لي انه لم يفهم تساؤلي وقفل ذاهبا
بعد سنين عرفت ان قصده الله يغلبكوا يعني ينصركو
بس دير بالك اذا لحقت وقلت لمغربي الله يعطيك العافية بتعلق علقة ما بتخلص منها.لانه عندهم يعطيك العافية يعني الله يحرقك
فالله يعطيك العافية على هالمقال ويغلبك على عقلية بني يعرب
صحيح.كمان اوعى تقول لعراقي بدي ابسطك لانه بفكر انك بدك تضربه
فاذا احنا مع بعض منفهمش على بعض فكيف بدنا نتفاهم مع باقي الشعوب؟
تحياتي

للاطلاع على الموضوع والتعليقات الأخرى انقر على الرابط أدناه:
عوده الى بوس الاحذيه والجزم....ساخر / جان نصار