الصفحة الرئيسية - ولدت لتهب الحياة للآخرين / رشا نور - أرشيف التعليقات - المجد لله في الاعالي وعلى الارض السلام - بشارة خليل قـ

المجد لله في الاعالي وعلى الارض السلام - بشارة خليل قـ

- المجد لله في الاعالي وعلى الارض السلام

العدد: 441771

بشارة خليل قـ

2013 / 1 / 6 - 15:55
التحكم: الحوار المتمدن

يا رب
لو كل العالم كان ضدي
ولو مشيو اعز الناس وبـءـيت وحدي
حلاقيك موجود وحتبقالي
ضهري وسندي
------------------------
لو كل الناس زهقوا وملوا
لو اعز الناس عني تخلوا
لو جرحي صبح ليهم قصة
يحكوها لبعض ويتسلوا
هلقيك موجود وهتبقالي
اهلي وناسي, اعز ملاذي
وفي وسط مرار طعم الدنيا
يغمرني فرح ويفيض كاسي
-------------------------
لو ملت وضاعت خطوي
وطاوعت ميولي البشرية
ومشيت عالشوك اللي بيكوي
وبناره اتحرقت رجليَّ
هالاقيك موجود وهاتغفرلي
ميلي وبعدي , شري وعندي
وفوسط التوهة اللي انا فيها
بعد الحيرة ايدك تهدي
----------------------------
لو قادت نار حرقت قلبي
والحزن اختار يسكن جنبي
والعود الاخصر بقى ناشف
ورماني السهم المتخبي
هالاقيك موجود وهاتبقالي
خيري ومددي فرحي وسعدي
يظهر في الارض الشرقانة
زي سحابة كفك مديت
-----------------------------
لو كل العالم كان ضدي , لو مشيوا الناس وبقيت وحدي
هالاقيك هالاقيك موجود وهاتبقالي
ظهري وسَنَدي
===============================
(هذه كلمات ترنيمة لنهى ناجي)
http://www.youtube.com/watch?v=GmsXqcgI5lI&list=PL50D9F759D901D848&index=18

للاطلاع على الموضوع والتعليقات الأخرى انقر على الرابط أدناه:
ولدت لتهب الحياة للآخرين / رشا نور