الصفحة الرئيسية - تي رَشْرَشْ تي رَشْرَشْ! / نجاح محمد علي - أرشيف التعليقات - القصيده للشاعر عريان السيد خلف - فائز النبهان

القصيده للشاعر عريان السيد خلف - فائز النبهان

- القصيده للشاعر عريان السيد خلف

العدد: 441167

فائز النبهان

2013 / 1 / 3 - 21:18
التحكم: الحوار المتمدن

شفت مرة شمس تموز بردانة

وشفت برد الشتا بكانون محتر

وشفت ميت يغني وفرقة دفانة

وشفت عريس يلطم فوكَ منبر

وشفت شجرة تدور افياي تعبانة

وشفت زرع المساحي شما جالة يزغر

شفت راعي تكَودة بظلمة طليانة

وشفت شاة وية الذيب يتبختر

شفت سيف أنذبح بركَاب جوعانة

وشفت ناعور عكس الماي يفتر

شفت ملة يغني وفرقة دفانة

وشفت كافر يصيح الله وأكبر

شفت عيد الفطر كَدام رمضان

وشفت رمضان يشرب ماي مفطر

شفت ملك المناية وروحة خلصانة

وشفت علامة بنص الحضرة كفر

شفت سيد يسب الناس بلسانة

وشفت سكير من سبوه شور

شفت مكتول كَام ولاوة عدوانة

وبيدة أكَبور ألهم كَام يحفر

شفت دنيانة يوم العيد عريانة

وشفت صفصاف بيه اثمار خضر

شفت شاعر تخورس تيه ألسانة

وشفت خرسان بأعلى الصوت تشعر

عريان السيد خلف

للاطلاع على الموضوع والتعليقات الأخرى انقر على الرابط أدناه:
تي رَشْرَشْ تي رَشْرَشْ! / نجاح محمد علي