الصفحة الرئيسية - ملف الكفاءات العراقية لايعالج بجمع التواقيع / علي فهد ياسين - أرشيف التعليقات - اللي يريد يرجع هلا بيه - سعيد فرحان المسروري

اللي يريد يرجع هلا بيه - سعيد فرحان المسروري

- اللي يريد يرجع هلا بيه

العدد: 38881

سعيد فرحان المسروري

2009 / 8 / 7 - 10:30
التحكم: الكاتب-ة

والله اني اتعجب لمن اسمع واحد عايش بالخارج وكاتل نفسه ايريد يرجع للعراق ويريد الحكومة اتهيأله مكان حتى يرجع ؟ هو العراق هسه شنو مابيه ناس بس حكومة ووزراء واحزاب كاعدين بمناصب والباقي جولة فارغة ؟؟ عمي العراق بيه ناس وفوق الطبيعي وبيه كفاءات اكثر مما تتصورون وكاعدين ينحتون بالصخر بس من حملة الماجستير هناك الاف بدون عمل يعني كاعدين بالبيت لو يشتغلون شغلات ما اله علاقة باختصاصهم وفوك كل هذا وزيادة على الكفاءات اللي عايشين بالخارج كفاءات العراق كاعدين يتحملون ظروف العراق الصحية والبيئة والامنية والاقتصادية والنفسية وووو, ما كو واحد يكدر ينكر معاناة العراقيين خارج العراق بس اعتقد هذا العراقي اذا اختار يرجع للعراق لا يطلب يتميز على غيره وان يعامل معاملة مختلفة لمجرد انه قرر يرجع لان هذا هو قراره ولو سأل العراقيين واحد واحد راح يكولوله ابقى بمكانك احسن لان العراق ما ينعاش بيه على الاقل بسبب ظروفة البيئية واجوائه الحارة اللي صارت لا تطاق , وهذا يعني ان كفاءات العراق اذا همه صدك يمتلكون خبرات مهمة للعراق لازم يدركون قبل غيرهم ان رجوعهم للعراق لازم ما يخلق مشكلة وحساسية جديدة عند العراقيين بالداخل واكيد همه يعرفون ان مشاكل كثيرة وكبيرة صارت هنا سببه هذا الشعور الذي ولده مجيء ناس من خارج العراق

للاطلاع على الموضوع والتعليقات الأخرى انقر على الرابط أدناه:
ملف الكفاءات العراقية لايعالج بجمع التواقيع / علي فهد ياسين