الصفحة الرئيسية - -شفيق- .. و-المجنون- .. و-برلمان العيلة-!! / مجدى نجيب وهبة - أرشيف التعليقات - شفيق ليس أفضل من باقي المجرمين المترشحين - محمد بن عبدالله

شفيق ليس أفضل من باقي المجرمين المترشحين - محمد بن عبدالله

- شفيق ليس أفضل من باقي المجرمين المترشحين

العدد: 369374

محمد بن عبدالله

2012 / 5 / 18 - 19:32
التحكم: الكاتب-ة

شفيق حتى الآن بيأيد المجلس العسكرى فى احداث ماسبيرو اللى استشهد فيها حوالى 27 قبطى بنيران قوات الجيش وقال ان كل الفيديوهات ملفقة وان المجلس العسكرى مش مسئول والمتظاهرين غلطانين احمد شفيق كان عضوا فى حكومة مبارك اثناء احداث كبرى من الفتنة الطائفية زى نجع حمادى والعمرانية وآخرهم كنيسة القديسين اللى حكومة مبارك كانت مرتباها
خلال وزارة احمد شفيق اللى ماستمرتش اكتر من شهر واثناء الثورة حصلت تعديات كبرى على الأراضى لكن كل ده تم تناسيه ماعدا مكان واحد بس وهو سور بنوه رهبان دير الأنبا بيشوى لحماية الدير من الأنفلات الأمنى هجمت قوات الجيش على الدير لأزالة تعديات على ارض فى الصحراء متجاهلة كل التعديات على الأراضى الزراعية وغيرها اللى بتمثل ثروة للبلد تم الهجوم بكل قسوة ولما حصل اعتراض من الرهبان الموجودين بالدير تعاملت القوات بالقوة التى اسفرت عن استشهاد شخص واصابة آخرين وطبعا اصدر المجلس العسكرى بيانا يدين فيه الضحايا ويبرأ نفسه... وسيادة الفريق ولا هو هنا لأنه طبعا كان مؤيد لكل ده سيادة الفريق اللى ساب اراضى مصر كلها وهجم بس على سور لحماية الدير.

للاطلاع على الموضوع والتعليقات الأخرى انقر على الرابط أدناه:
-شفيق- .. و-المجنون- .. و-برلمان العيلة-!! / مجدى نجيب وهبة