الصفحة الرئيسية - apocalypse يا قوم الحرب علي الابواب . / محمد حسين يونس - أرشيف التعليقات - بركات الاسلامجية بدات تهل علينا - دكتور سعيد غنيم

بركات الاسلامجية بدات تهل علينا - دكتور سعيد غنيم

- بركات الاسلامجية بدات تهل علينا

العدد: 340727

دكتور سعيد غنيم

2012 / 3 / 2 - 20:46
التحكم: الحوار المتمدن

استاذنا وشيخنا الجليل فاكر سيادتك حادثة النائب السلفي في البرلمان اياه اللي اسمه البلكيني نائب المنوفية من مدينة السادات اللي ادعي ان طلع عليه بلطجية وقلبوه في 100 الف جنيه علي الطريق الصحراوي وجابوا صورته وهو رابط مناخيره ووشه وقلنا ساعتها ياعيني ع الشلفطه. طلع اونطجي وعامل فيلم هندي واتضح انه عمل عملية تجميل في مناخيره والطبيب الجراح اللي عامل له العملية في مستشفي بالعجوزة لما علم بالخبر تقدم للنيابة اليوم وادلي باقواله بالمستندات واثبت انه ليلة الحادث المزعوم كان عنده في المستشفي بيعمل العملية واصر علي المبيت علي الرغم من ان الطبيب قال له العملية لاتستدعي المبيت وفي الاخر خدعهم وخلع آخر الليل وقالك ان البلطجية ثبتوني ولبسنا السلطنية (احمدك يارب). ولسه ياما حنشوف من مرتزقة الدين اللي مسكوا في السياسة والكراسي وتبتوا وخبرتهم السياسية اللي زي خبرة عم شرفنطح المكوجي في شرح مراد سفر الرؤيا من الجنة الموعودة في شرقي عدن بعد ان تكون هرمجدون قد وضعت اوزارها )

للاطلاع على الموضوع والتعليقات الأخرى انقر على الرابط أدناه:
apocalypse يا قوم الحرب علي الابواب . / محمد حسين يونس