الصفحة الرئيسية - الاستاذ جبريل أهلا بك / محمد حسين يونس - أرشيف التعليقات - أهلا جبريل - ‎هانى شاكر

أهلا جبريل - ‎هانى شاكر

- أهلا جبريل

العدد: 339035

‎هانى شاكر

2012 / 2 / 27 - 06:03
التحكم: الكاتب-ة

أهلا جبريل
يا ملاك ياجميل
يابو ضحكه جنان
و بشعر جميل

طبعاً مبسوط
مانتا قطقوط
لو قالع ملط
أو فى الزعبوط

حواليك ألعيله
بزفه و هُلليله
وهدايا جزيلة
فى صف طويل

حواليك أجدادك
انت و أندادك
ماهى اسره كريمه
يا عريق ياسليل

خُد جده محمد
أستاذ و مُهند
هندسة و مُجند
كاتب و جليل

فرحان و مُراقب
بلدُه بيتعاقِب
من عدو و غريب
أو مصرى ذليل

و بيسأل ; ليه؟
و بكره .. إشو حالُه؟
و هانترك إيه ؟
لعبله و جبريل ؟

دأ جدودنا فراعنه
فتنوا ألمسكونه
بعلوم و آثار
ولا ليها مثيل

ليه حالنا هباب ؟
ليه حاكمنا غراب ؟
ليه ريشُه منتن ؟
متعاص فى الديل ؟

عفواً جبريل
عكرنا سبوعك
و النبى لتفرفش
وآدى المنديل

مطرز و مُعطر
علامة على شهامتك
و أمانه فى رقبتك
و رقاب الجيل

جيلك هايصلح
أخطاءنا و خطيانا
بعزيمة و قوة
ولا ليها مثيل

أعيدوا ألحرية
لبلادنا ألغالية
أرفعوا كرامتنا
طَهَروا ألنيل

للاطلاع على الموضوع والتعليقات الأخرى انقر على الرابط أدناه:
الاستاذ جبريل أهلا بك / محمد حسين يونس