الصفحة الرئيسية - عيد الحب في عيونهم / مرثا فرنسيس - أرشيف التعليقات - -شعر بالعامية المصرية -غلبانين - ميشيل رزق الله

-شعر بالعامية المصرية -غلبانين - ميشيل رزق الله

- -شعر بالعامية المصرية -غلبانين

العدد: 334990

ميشيل رزق الله

2012 / 2 / 15 - 04:08
التحكم: الحوار المتمدن

خد لك يومين فى البرد-
عد الليالى عد
قلب الهنا مسدود
ما تقولش ليه انسد
قا لوا اللى ايده ف ميه
زى اللى ايده ف نار؟
خش ف حوارى الدنيا
دا احنا ف زمن غدّار
ما تقولش ليه؟ ازّاى ؟
الدنيا اّهة ناى
وسط الليالى ينوح
واسمع وقول : أبّاى

عود الغلابه اشتد-

لاْ لسّه ما اشتدّش-
لسّه بإيدين تتمد

دى حكايه ما تخضّش-
بكره الغلابه تزيد
تقدر تقف وتردّ
على كل صخر عنيد
وف وقت جد ف جد

اتكلّم انت يا ليل أنا غنوتى ضاعت-
قول انت بالمواويل حتّى الكلاب جاعت

أنا قلت معنى كبير الدنيا ليل وانفض-

لاْ لسّه دمع كتير وكلاب بتهوى العض-

أنا لىّ رأى وقول-

لسّه الكلام موصول-

سيب الكلام للناس -
!.. يمكن يكون معقول

للاطلاع على الموضوع والتعليقات الأخرى انقر على الرابط أدناه:
عيد الحب في عيونهم / مرثا فرنسيس