الصفحة الرئيسية - المسطرة الجنسية بين الحلال والحرام / الحكيم البابلي - أرشيف التعليقات - الأخ علي ، تعليق # 34... حول الباجلة بالدهن - الحكيم البابلي

الأخ علي ، تعليق # 34... حول الباجلة بالدهن - الحكيم البابلي

- الأخ علي ، تعليق # 34... حول الباجلة بالدهن

العدد: 333135

الحكيم البابلي

2012 / 2 / 8 - 22:14
التحكم: الحوار المتمدن

الأخ علي بن بابل
هلة بيك مرة ومرات وشكراً على عزيمتك لي ، يا ريت ، الدنية ظلمة والمزار بْعيد
كلامنا اليوم بالجلفي
صدكني اليوم طابخين تشريب باكلة بالدهن ، طبعاً مع البصل والبطنج والطراشي وكل النمنمات العراقية ، ونحنة نطبخ الباجلة كل أسبوعين ، وحجم كل باجلاية بحجم تمرة الخستاوي ، صدكني ، يعني مو مثل باجلة العراق صفيرونة ومفسفسة وبنص كل وحدة أكو ذبانة تنكرط وينسمع صوتها بين الأسنان
وكلما طبخناها نعزم هل قريب وهل صديق اللي ما يعرفون شلون يطبخوهة رغم بساطة الوصفة !!!، تنابل
مرات تكللي زوجتي : إنت صدك بابلي
الأصدقاء والأقارب بعد ما يخلصون من لَفُط الجِدرية ، يُمازحوني ويُناكدوني بقولهم : الباجلة مالتك طيبة ولذيذة رغم أن أولها منافع وآخرها مدافع
ولهذا فأخوك البابلي صاير مثل السمج : مأكول ومذموم
تحيات بابلية

للاطلاع على الموضوع والتعليقات الأخرى انقر على الرابط أدناه:
المسطرة الجنسية بين الحلال والحرام / الحكيم البابلي