الصفحة الرئيسية - -علياء المهدى- هى الحل / مجدى نجيب وهبة - أرشيف التعليقات - هَرشْ مُخْ - هانى شاكر

هَرشْ مُخْ - هانى شاكر

- هَرشْ مُخْ

العدد: 318010

هانى شاكر

2011 / 12 / 29 - 04:20
التحكم: الحوار المتمدن

هَرشْ مُخْ

هَرَشَ يَهرُشُ فهو مهروش
وشى .. وشوش فهو موشوش
كتب ... سَجَعَ .. اهو كله بلوش
قربى ياهانم ... بُصْ يابيـــــه

المخ المصرى ساح
الفكر سداح مداح
العقل جه و راح
من لعب السى - آى - ايه

الست أم العيال
و جوزها سيد الرجال
اهو حالهم اصبح حال
‏ VoA من موجات

دى نوعها امريكانى
مع انه اصله يابانى؟
رسينى ياغاده تانى
ماهو استك ... منه فيه

الشبكه نحاس ... نحاس
و الموجه من الدساس
غاوى تعذيب الناس
و ماهيتُه ... الف جنيه

و النعمه لاعمل زار
بالكوديه و الزمار
و أفك أزمة جار
من سحر ولاد الايـــه

وتعودى يا مصر كريمه
وولادك تبقى عظيمه
امريكا ... انت بهيمه
و جهازك .. هاقضى عليه

للاطلاع على الموضوع والتعليقات الأخرى انقر على الرابط أدناه:
-علياء المهدى- هى الحل / مجدى نجيب وهبة