الصفحة الرئيسية - بغداد مبنيه بتمر فلش واكل خستاوي / سرمد علي الجراح - أرشيف التعليقات - ردود الاصدقاء 2 - سرمد الجراح

ردود الاصدقاء 2 - سرمد الجراح

- ردود الاصدقاء 2

العدد: 307003

سرمد الجراح

2011 / 12 / 3 - 18:06
التحكم: الكاتب-ة

الاستاذ فلاح الزركاني, اني هم شكيت بالموضوع يجوز كان قصدهم طوكيو وواحد صهيوني باللجنه حط اسم بغداد بالنص, لان اللي اعرفه طوكيو اهلها ضايجين منها لان مامقطوعه الكهلاباء عدهم صارلها الف سنه
تحياتي
الاخ الكريم كعك ابو السمسم, والله حقك والله يساعدك شلون متحمل هيج مصيبه. المشكله لو الانسان يصير مطي -حاشاكم- بنص المطايا ماراح يشعر وراح يكون مرتاح, اما ان يكون يفتهم بنص مطايا هاي كارثه
تحياتي
الزميله اللدوده اغصان اولا شكرا جزيلا على الاغنيه ونردلجياها بالافراح والليالي الملاح. ثانيا الظاهر هاي الارض ماتنبت غير الشوك لذلك تكثر البعران فيها. في مهرجان شعري وقف شاعر عراقي امام المرحوم عبد الرحمن عارف بعد تنصيبه رئيسا اثر مقتل اخيه بحادث الطائره, ليقول له
وتبدلت بعض الوجوه كما انزوت. جرباءُ تُخلف بعدُ في جرباء
وقد ضل هذا القانون ساريا لحد الان جرباء تخلف جرباء. بس هم ابقه متفاءل ولازم نحصل على الكاس
تحياتي واشواقي

للاطلاع على الموضوع والتعليقات الأخرى انقر على الرابط أدناه:
بغداد مبنيه بتمر فلش واكل خستاوي / سرمد علي الجراح