الصفحة الرئيسية - غزوة ماسبيرو المباركة !!! / سيد القمنى - أرشيف التعليقات - قصيدة احمد فؤاد نجم - ماري عبده

قصيدة احمد فؤاد نجم - ماري عبده

- قصيدة احمد فؤاد نجم

العدد: 286858

ماري عبده

2011 / 10 / 17 - 23:20
التحكم: الحوار المتمدن

ينصر دينك يا بطل
... قتلت ناس عُزًّل كتير
ستات، شيوخ وكمان عيال
... ازحت عنا خطر كبير

دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميّتم بيعزّينا

إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه

وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه

وإقتل سامي ناجي نجيب
اصل الإسم صراحه مريب
يمكن يطلع واحد منهم
داقق على إيده صليب

ولا اقولّك...إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا

لينا رب إسمه الكريم
ها يجي يوم تعرض عليه
تقف امامه و يسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها
وتقول إيه؟
---------------------
ليا مقال هنا على الموقع اتمنى ان حضرتك تقراة دة اللينك بتاعة
http://www.ahewar.org/debat/show.art.asp?aid=279945

للاطلاع على الموضوع والتعليقات الأخرى انقر على الرابط أدناه:
غزوة ماسبيرو المباركة !!! / سيد القمنى