الصفحة الرئيسية - في زيارتي لإيران .. صدمت ببنوّة الساسة في العراق (الله لا يوفقهم ) لطهران ! ... / موسى فرج - أرشيف التعليقات - صديقي العزيز رعد الحافظ.. - موسى فرج

صديقي العزيز رعد الحافظ.. - موسى فرج

- صديقي العزيز رعد الحافظ..

العدد: 278811

موسى فرج

2011 / 9 / 25 - 09:30
التحكم: الكاتب-ة

يابه .. لكيت واحد من اصدقائي يعاتبني يكول ليش رحت للملالي ..؟ كتله يابه انا ما رحت للملالي انا لايران ناسا وطبيعه وكلاهما يستحق الزياره فمنهم الخيام ومنهم مصدق ومنهم ككوش وفي بلدهم الجبل والوادي والخضرة والبحر ..بعدين يابه انت تتذكر سلامه موسى شيكول ..؟ ايكول البشر الصالح احسن من الملائكه ..لأن الملائكه ما داخلين اختبار ..خل يدخلون اختبار ..واليحافظ على عفته انكول احسن من البشر ..وانا حرام رحت عفيف ورجعت عفيف ..بس اشبصرك بربعك اليروح مكمط يرجع ثيب..!اما من ناحية تبديل الأثاث عدكم وكت ما تحبون ..؟احنا ميخالف نقبل نبقى على تلفزيون السيرا والفليبس بس يبدلون الحكام كل سنه ..انا أمس شفت واحد منهم بالتلفزيون بنيويورك ما يكدر ايدير راسه ومن يريد يحجي لازم ايخلوه بهاي مال الروليت حتى يفتر ويشوف الناس ..تحياتي لك وانشاء الله نتلاكى باليونان ونسمع زوربا الصدك ...

للاطلاع على الموضوع والتعليقات الأخرى انقر على الرابط أدناه:
في زيارتي لإيران .. صدمت ببنوّة الساسة في العراق (الله لا يوفقهم ) لطهران ! ... / موسى فرج