الصفحة الرئيسية - ( يمه بشري ) / حامد كعيد الجبوري - أرشيف التعليقات - راكب ماصعد - زامل تايه

راكب ماصعد - زامل تايه

- راكب ماصعد

العدد: 273755

زامل تايه

2011 / 9 / 8 - 15:11
التحكم: الحوار المتمدن

بشري يايمه الحنونه
راح ضيمج مال امس
اشكرك يبني الحنون
يلي باحوالي تحس
خبريني الدوله في حكمي شلونهه
انشاالله فرحت عرس
اسمع اصوات الهلاهل
انهلهل لكطع النفس
خيرك مغرك الشوارع
من ربع كيلو العدس
وبالوعود الحلوه منك
جيوبنا انترست ترس
لاوطن خليت النا لانظام ولاعمل
لاتجاره لاصناعه لاغرس
والشباب محششه تملي المقاهي
كل نفس يسحب نفس
احجيلي يايمه الصدك
بطلي كلمات الهلس
ودي اسولفلك حبيبي
وخايفه يمه انعلس
وانه راسي ابيض ييمه
ايصير تقديري رفس
لو تجيني البطه تمشي
سكته لاحس لانفس
بيها قناص المعدل
ايجيبها براسي ترس
يعني حكمي جاب الضيم كله
البيه المخبل يحس
ومن صدك تدمع عيونج
بالجذب يضحك ضرس

للاطلاع على الموضوع والتعليقات الأخرى انقر على الرابط أدناه:
( يمه بشري ) / حامد كعيد الجبوري