الصفحة الرئيسية - إستفتاء بسيط حول إتفاق العراقيين / رعد الحافظ - أرشيف التعليقات - الأستاذ موسى فرج - رعد الحافظ

الأستاذ موسى فرج - رعد الحافظ

- الأستاذ موسى فرج

العدد: 255655

رعد الحافظ

2011 / 7 / 9 - 12:27
التحكم: الحوار المتمدن

والله آني هم من شفت المكرود ( علي عبدالله صالح ) كلت بنفسي هذا شبيه صدّام ههههه أقصد شبيه صالح ؟ آسف ماخذ لساننا على شبيه صديّم
لأنّهم حاولوا يقنعوننا بفلم بقاءه رغم إعدامهِ أمام الكاميرة
زين أشو صالح جنّه صاير إنسان آلي يتحرك بالرموت كنترول , حتى عيونه عبالك جذب ؟ وجمالة لابس سعودي ؟ سبحانك ياربي كولة صديقي
هسّه الملحدين راح يؤمنون بوجود الخالق اللي يمهل ولا يهمل
بس أغاتي إنتَ شجابك على ذولة , ثم إنتَ مانريدك تصير رئيس , مو خوفاً منّك لا تفسد , بس خوفاً عليك من السلطة ومغرياتها ومؤامراتها
نريدك تعود رئيساً لهيئة النزاهة وتطهّر البلد من خلال موقعك
وفي أبعد الأحوال , برلماني تقول كلمتك بصراحتك المعهودة وتهز البرلمان حتى يصحون شوية ويعوفون تقاسم الكعكة ويفكرون بمصلحة البلد عموماً
آني هسّه أشوف الإحتفال بإعلان دولة جنوب السودان وأكول بنفسي
بس لا (( سيلفا كير ميارديت )) , توّزه نفسه ويصير مثل الرَبع , ولو هو قبعته الأمريكية المفروض تذكره بالطريقة التي وصل بها
تحياتي لكَ وكل المتداخلين معك عزيز السماوي وعلي الشمري والآخرين

للاطلاع على الموضوع والتعليقات الأخرى انقر على الرابط أدناه:
إستفتاء بسيط حول إتفاق العراقيين / رعد الحافظ