الصفحة الرئيسية - جيش تحرير طويريج / سرمد علي الجراح - أرشيف التعليقات - ملعون ابو الدنيا - يونس حنون

ملعون ابو الدنيا - يونس حنون

- ملعون ابو الدنيا

العدد: 232376

يونس حنون

2011 / 4 / 14 - 14:48
التحكم: الحوار المتمدن

والله ياسرمد كلامك على راسي
اني اول فكرة شلعة من العراق راودتني عن نفسي لما دخلت وزارة الصحة وشفت صور العمائم
بكل مكان وفوكاها لافتات مثل كوادر وزارة الصحة تعزي صاحب الزمان 3 مرات بالشهر على اللي مات واللي تمرض واللي تزحلك واللي صار اسهالبس قبل الف سنة
وبدل ماتسوي الوزارة توعية صحية ومؤتمرات علمية مثل البشر الصاحين يومية وزير الصحة يرعالي مجلس عزاء وياويل اللي ما يحضر
اللي قاتلني ملايين العراقيين اللي مصرين ان يسلمون مقاليد التفكير الى القادة الجرذان اللي
ندعيلهم ان الله يحفظهم ويقصف عمر الناس
صارلي شهر اريد اكتب موضوع كلما اجي للكيبورد واتخيل صورة مقتدى اكول شنو الفائدة وابطل
لعد موحقها غصونة تقرر تمتنع ان تغث نفسها بلا مبرر او فائدة
عيوني سرمد اني هم قررت ما اقرة بعد اليوم الا المقالات الساخرة الى ان احس انه بدينا نرجع
ندخل قائمة الاوادم بالغي سن الرشد
يريدون يسموها جلد الذات يسموها مازوشية يسموها غيبوبة فكرية اني اسميها ديمقراطية كلمن بكيفة

للاطلاع على الموضوع والتعليقات الأخرى انقر على الرابط أدناه:
جيش تحرير طويريج / سرمد علي الجراح