الصفحة الرئيسية - خطاب الأسد في مجلس عزاء الحرية / رائد شما - أرشيف التعليقات - الرئيس يقول عن ثورات الشعوب بأنه موضه!!! - محمد فادي الحفار

الرئيس يقول عن ثورات الشعوب بأنه موضه!!! - محمد فادي الحفار

- الرئيس يقول عن ثورات الشعوب بأنه موضه!!!

العدد: 228918

محمد فادي الحفار

2011 / 3 / 31 - 13:18
التحكم: الحوار المتمدن

عم تسمي ثورتنا موضه سيدي الرئيس
ودم الشهيد تشبه بأحذيه وشنته وقميص
ووجع الناس وهمومها ورامي يعبي بهالكيس
ولك رخص دمنا لهدرجه وصار وجعنا تدليس
مالفقر ركب الناس وخلا الشريف خسيس
والاب باع بنته لعباية شقيقنا دحيميس
والام تظلغط وتلطم وقلبها مفعس تفعيس
وعم تقول موضه سيدي الرئيس
ولك انفضحت ديار ديارنا وقرونا صارت متاريس
وكل يوم بنقول بتفرج وبأحط عنا إبليس
وماكان يأحط لحتى فقع براسنا الهويس
وطلعنا متل مو شايف بايعين الغالي بالرخيص
وعم تقول موضه سيدي الرئيس
لك والله الروح بلا كرامه حقها كتير رخيص
وتركنا الموضه لأهلها ويلعن ابو التفليس
بس خف عنا شويه وعيش بهالحيص بيص
لانه اذا فقعت مرارتنا مابيبقى للصلح دهاليز
وحاجته قانون الطورئ سمعها مني وحط بهالكيس

للاطلاع على الموضوع والتعليقات الأخرى انقر على الرابط أدناه:
خطاب الأسد في مجلس عزاء الحرية / رائد شما