الصفحة الرئيسية - شمر بخير ما يعوزها غير الخام والطعام / محمد علي محيي الدين - أرشيف التعليقات - تتمة - عبدالله الداخل

تتمة - عبدالله الداخل

- تتمة

العدد: 194925

عبدالله الداخل

2010 / 12 / 15 - 18:01
التحكم: الحوار المتمدن

ليش هوّه ما جان محسّب هالحساب، لو بس جان يعرف يكًول تره يطشرونـّه شذر مذر؟ أشو من كَال أبو كَاطع (آنه سمعته بذني هاي) ينتقد جهاز الدولة الفاسد بالاذاعة سنة تسعة وخمسين (المْطـَيْ مْطـَيْنه بس جْلـَيْله مبدَّل) فصله من الاذاعة وذبّه جوّه.
يعني هو مفهوم النزاهة عام ، مو خاص، وأنا أربطه بالسلوك والتفكير الوطني السليم؛
هسه شكَد كَاعدين يحاولون يبيضون صفحة نوري السعيد؟ كل واحد لازمله جلاّية ويفرك، شي بالتلفزيون، بالتمثيليات، شي بالصحف أما بالإنترنت خوب خليهم على يمناك وانت تعرفهم مثل ما يعرفهم جاسم المطير ويجيبهم بخويطهم، هم فادهم شي؟ مستحيل، نوري السعيد هوّه هوّه
هذا الحجي (كَولتهم) ماينفـّه، والخلاصة: كَبل جنت أكَول ماكو شي إسمه بورجوازية وطنية، هذا كلاو، وهسه أريد أضيف شي أكبر (هـَمْ كلمتين) بس ما ينطيني كَلبي!؛

على كل أنا عيني ع الوطن مو بس كلما أتذكر شي إله علاقة بالعراق، لأنه هو -الشي- الوحيد اللي أتذكّره بعد عشرات السنين، وأنتظر شيئاً من عطره يهب مع نسيم الذكريات.

كل ما أمر عَ الدرب
عيني على الباب
أنتظر نسمة تهب
من عطر الأحباب

تحياتي الصادقة

للاطلاع على الموضوع والتعليقات الأخرى انقر على الرابط أدناه:
شمر بخير ما يعوزها غير الخام والطعام / محمد علي محيي الدين