الصفحة الرئيسية - شمر بخير ما يعوزها غير الخام والطعام / محمد علي محيي الدين - أرشيف التعليقات - أرجوكم لا تجيبون طاري كريّم بعد - عبدالله الداخل

أرجوكم لا تجيبون طاري كريّم بعد - عبدالله الداخل

- أرجوكم لا تجيبون طاري كريّم بعد

العدد: 194911

عبدالله الداخل

2010 / 12 / 15 - 17:29
التحكم: الحوار المتمدن

أبو زاهد مسّاك الله بالخير

هذا كريّم لا تجيب طاريّه بعد أخوك. ليش انت ما تعرف كل الدكَايكَـ من جوّه راسه؟ نزاهته من الناحية المالية ما تبرر سوالفه ودسايسه من جوّه ليجوّه، ولا الطركَاعة الجبيرة وكل المصايب الطاحت علينه من وراه. جان كل هاي (ولا الأكبر منها) ما صارت؛ ليش نظل ننظر لنزاهته ونبالغ بيهه من وجهة نظر عجيبة: والله شنو؟ إي .. جان عنده بالبنك من مات سبع مية فلس. شنو؟ جنـّه نريده يبوكَـ؟ مثل الجانوا كَبله؟ يا نزاهة هاي اللي في وقتها عزل القضية الجبيرة عن الشعب وكَال هذي مالتي لأن -آني فجّرتها-! بزمان ابن كيفية جان مئات من خيرة أبناء العراق موقوفين ومحكومين، من اللي جانوا هم صانعي تاريخ العراق الحديث وعشرات منهم محكومين بالإعدام وحتى من الناس البسطاء، اللي جان بالخطأ يكَول -جيبه ليلو- جان يروح لبو زعبل، هاي كلها نسيناها؟ ومن أجوا البعثيين بتوجيه من السفارة البريطانية لكَوا كل شي حاضر محضّر وما جان عليهم بس تطويق المحلات الفقيرة والتعذيب وتنفيذ أحكام الاعدام. ليش هوّه ما جان محسّب هالحساب، لو بس جان يعرف يكًول تره يطشرونـّه شذر مذر؟
يتبع

للاطلاع على الموضوع والتعليقات الأخرى انقر على الرابط أدناه:
شمر بخير ما يعوزها غير الخام والطعام / محمد علي محيي الدين