الصفحة الرئيسية - أي هراء تقولون وتفعلون ايها السادة / محمد الرديني - أرشيف التعليقات - لا تدوخ - مازن البلداوي

لا تدوخ - مازن البلداوي

- لا تدوخ

العدد: 187048

مازن البلداوي

2010 / 11 / 22 - 10:05
التحكم: الحوار المتمدن

حبيبي الرديني
عفا عليك، هاي انته اللي ما يفوتك شي، تفوت عليك هاي؟؟
يابه، بكل بساطة...ان موضوع البصرة مدوّخ الكل على الأطلاق،محليا وأقليميا ودوليا،لأن هاي المدينة اذا رجعت تشتغل مثل ماجانت كبل لايطلعون شعيط ومعيط وجرّار الخيط، فمعناه ان شعيط ومعيط راح يرجع يصير شعيط ومعيط....يعني كل اللي صار بناءا على تعطيل البصرة وقتلها تجاريا واقتصاديا وسياسيا واجتماعيا سوف ينقلب،وهذا تدري موضوع مو سهل يا خوية يا محمد،فــ لازم نتحزم للواوي بحزام السبع

اما موضوع الممثلية فهو لتبادل الخبرات يا اخوية،لأن خبرات ادارة اقليم كردستان العزيز يجب ان تنتقل الى البصرة، صحيح هوة جانت اكو محاولات حتى تصير اقليم، بس الناس رفضت لأنها تقره الممحي وتقره شكو مكتوب بظهر الأغلفة مال الكتب، همة صح طيبين ، بس عند الضرورة يصيرون حسب متطلبات الموقف

صحيح ان نهر العشار متروس زبالة والمجاري تصب بيه من 30 سنة وكبلهه جان النهر مراية وهسة ينرادلة تطوير، بس ممكن هذا التطوير يصير عن طريق برامج حكومية مركزية، لأن شغلة الأقليم فاشلة بالوقت الحاضر الى 15 سنة جاية، الى ان تترهدن الناس وتفتهم الأمور،ويعرفون الأوادم زين، يلله يصير اقليم

للاطلاع على الموضوع والتعليقات الأخرى انقر على الرابط أدناه:
أي هراء تقولون وتفعلون ايها السادة / محمد الرديني