الصفحة الرئيسية - أين العقل والدين , من جريمة كنيسة سيّدة النجاة ؟ / رعد الحافظ - أرشيف التعليقات - تسألني عن حال العراق - رعد الحافظ

تسألني عن حال العراق - رعد الحافظ

- تسألني عن حال العراق

العدد: 179062

رعد الحافظ

2010 / 11 / 2 - 15:04
التحكم: الكاتب-ة

تسألني عن حال العراق
http://www.ahewar.org/debat/show.art.asp?aid=182026
تسألني عن حالي... وراح أخبرك بيه...مثل منكاش موکد وکتي خلاني
يستنکي الجمر بيه ويعدل النار.....ومرات إشکد عل الجمر ينساني
لاتکلي إشلون صرنا ....ولا تهيّج همومنا وتنفخ جمرنا
تسأل ورايد جواب ............وخايف إيتعبك أمرنا
خايف إيلوحك زفير صدورنا وتكره شعرنا
خايف إتصوبك شظية من شظايا کلوبنا ال تنزف قهرنا
إشلون صرنا ؟؟
واحد يسليه نوحه , وواحد يقنع بروحه , وواحد يضمّد جروحه
ومثل عصرة ثوب بيد معدله وكتك عصرنا
صد على مجرى الدمع بخدودنا تعرف أمرنه
لاتکلي إشلون صرنه ؟
خل سكون الليل يبدي ...نسمعك ألوان النعاوي
إبكل ضريح إتشوف أشكال الشكاوي
إتشوف أصغر طفل للنكبات راوي
وتدري من نتسامر بشنو سمرنا ؟؟
راح أكلك وأمري ل الله ...وإنت كتلي إشلون صرنا
نحسب إشكد الضحايا ال طاحوا بسوك المدينة
ونحسب إشجم أم حزينة..وجم طفل من عنده بس جنطة لكينه
هذا يل تنشد سمرنا ,, وهذا بعض من اللظى الماكل عمرنا
والله لو أيوب حاضر..صار تلميذ بصبرنا
****
يتبع الجزء الثاني من هذهِ القصيدة الشعبية الرائعة

للاطلاع على الموضوع والتعليقات الأخرى انقر على الرابط أدناه:
أين العقل والدين , من جريمة كنيسة سيّدة النجاة ؟ / رعد الحافظ