الصفحة الرئيسية - الخالد المهندس الشهيد خالد احمد زكي / عبد الحسين سلمان - أرشيف التعليقات - الى جاسم الإزيرجي , من قصيدة لعريان - عدنان هاشم

الى جاسم الإزيرجي , من قصيدة لعريان - عدنان هاشم

- الى جاسم الإزيرجي , من قصيدة لعريان

العدد: 118170

عدنان هاشم

2010 / 5 / 5 - 22:56
التحكم: الحوار المتمدن

منك.. كلهه منك.. طب حراميها
ولعب بيها وخبطها.. وشرب صافيها
كَلنالك تحذّر ناوراك الذيب
تاعيت الضواري.. وأمنّت بيها
يمصدك الاوهام.. ان البخت حفاظ
يا حظ.. يا بخت.. لوجرخ سركَيها
ثورة اتفرغصت.. من وسط حلكَـ الموت
وبدمك خذتها.. اشلون تنطيها!؟
شفت اشلون عثرت.. وانجفت عالكَاع
وتعله ابسرجها.. اتراب رجليها
صَدِك موملامه.. وتعداك اللوم
بس جمرة عتابة اتمشكلت بيها
يا سيد العفة ويانزيه الروح
ويارمز الشجاعة.. الحّد تواليها
يملاكَي الرصاص اعيونك امورثات
زلم الغدرتك.. ما ظن زلم بيها
الزلم تولي وتعف.. ونته الطلكَت اركَاب
جان الموت حكَـ.. امفصّل عليها
وجان الوطن يلهب.. والجموع اتصيح
اعدم.. والخطورة اتساهلت بيها
ومن ضاكَت عليك.. انتفض شيب وشاب
سيل.. وحزب (عادل) جان حاديها
أهي غضبة شعب داس على راس الموت
وشبت نار كبره.. اشلون تطفيها

للاطلاع على الموضوع والتعليقات الأخرى انقر على الرابط أدناه:
الخالد المهندس الشهيد خالد احمد زكي / عبد الحسين سلمان