الصفحة الرئيسية - الطريقة الصحيحة لضرب الزوجة / يونس حنون - أرشيف التعليقات - الدنيا حظوظ - Sarmad

الدنيا حظوظ - Sarmad

- الدنيا حظوظ

العدد: 106970

Sarmad

2010 / 3 / 28 - 14:27
التحكم: الكاتب-ة

نرجع الى سالفة الهجر والدكتور يكول هاي عقوبه إله, دكتور الظاهر حضرتك فاتك ان المؤمن يختلف عنك في نظر الدكتوره صاحبة الوصايا, فالمؤمن متزوج من اربعه فاذا هجر واحده وربط اثنين من شعرهن وبسطهن, يكدر يروح يم الرابعه يشخر براحته.
أثرت دكتور في مقالك السابق احترام الاسلام للمرأه واكثر من هيج احترام ماراح نشوف. الغربيين الهمج يعرضون النسوان بالفترينات يعني لازم تطلع وتركب سيارتك وتدوخ بالسوك وتفتر بين المحلات حتى تلكه مره. بينما عدنه تكعد بالبيت والسيرفس يجيك للباب, يجيبهه الك ابوهه وينطيك كتلوك التشغيل (العصا) وياهه.
بصراحه دكتور اني صرت من انصار هيج دين وعرفت ما جابنه ليوره الا انصار المرأه مثل جنابكم. وين ايام زمان لما كان الرجل من يفوت للبيت تكول عزرائيل طب. ووين هسه يطب مثل الحرامي يخاف لاتلكفه وتسمعه النشيد الوطني اليومي. ها رجعت ياحظي, اكيد ماجايب الوصيتك عليه, شسوي مو حظي اغبر لو بيه حظ جان صرت مثل ام سجاد اخذت مطيرجي وتالي صار عضو برلمان.

للاطلاع على الموضوع والتعليقات الأخرى انقر على الرابط أدناه:
الطريقة الصحيحة لضرب الزوجة / يونس حنون