الحرمان ما بين الماضي و المستقبل

ناجي فاضل

الحوار المتمدن-العدد: 1929 - 2007 / 5 / 28 - 10:11
المحور: الادب والفن
    

يا اجمل وردة فى بستان ظهرت فى حياة انسان حياتة قبلك حرمان.
حرمان من حب الايام,من غير ما يشعر كان دخل فى دوامة النسيان.
نسيان احساسة بالامان,
مجرد ظهورك جالة احساس غريب فى الاول كان مريب لانة احساس عجيب
احساس مش عادى عمره ما عاشه فى الماضى,
الماضى كان اليم بيدور فيه بشوق و حنين على الفرحة اللي ضاعت من سنين,
و فى يوم كان ماشى فى حالة بيفكر ازاى يجمع امالة صادفتة وردة ظهرت فى بستان عاش خلالها ايام عاش نوع جديد من النسيان،
نسيان للماضى الاليم،
خوفة زاد عليه ليكون فى حلم و لو فاق هيقضى علية و يرجع من تانى يعيش فى النسيان و حياتة تضيع من الم الالام،
خوفة كان فى محلة و محدش نبهه ولا قالة متفرحش اوى دى الفرحة يجى
ليها 100 لون تتغير و مش هتثبت على لون،
اللوم مش على الايام لا تسب ولا تلعن حظك يا انسان عيش الامل زى ما كان لازم يتعاش فى اى زمان،
الفرح عايش جواك خرجه لا يسيبك و ينساك مش كل الناس هتفضل وياك ولا الفرح هيستناك اية يعنى عشت فى حلم جميل و فجاة صحيت منه على وجع شديد،
قوم وامشى كمل خطاك جمع امالك و انسى اللى وراك انسى الماضى و سيبه فى حاله مدورش فيه.
كان فى البستان ورد كتير لية الوردة دى اللى شدتك ليها من غير تفكير صحيح كان ليها تاثير حياتك اتبدلت و ابتدت فى التغير و الفرح عرف سكتة بقيت غنى مش فقير، يا انسان مش اول ما تفوق من حلمك الجميل تقول ضاع الفرح والتاثير،
تترمى فى احضان الماضى و تنسى ان ليك رب كبير، رب عالم بالى جواك مش هيسيبك و هيفضل وياك مادد ايدة مستنيك تمسكها و يشدك من وسط ازمتك،
يا انسان ربك رب قلوب مش هيسيبك.
ارجع من تانى و خش البستان بلاش تخاف ولا تقول قلبى مش حمل وجع ولا اسوة الزمان.
ارجع و اعرف و اشكر الوردة و قولها من تانى ،،،،،،،،،،
يا اجمل وردة فى البستان اشكرك على لحظات سعادة ادتيهانى،
و انا انسان سبتينى و بقيت حزنان على فرح عشتة بصدق باخلاص حاولت اعجبك و اقول ارتحت خلاص،
عارف انى كنت واحد تانى فى لحظة كنت فيها انانى ماشوفتش فيها غير موقف قسانى اتمنيتك من زمان عشقت اللحظة اللى شفت فيها معانى الامان ، فجأة
الاقيه بيضيع و بيختفى زي سرب الحمام.

اسئل نفسى لية دخلت البستان؟
الوردة دى اشوف فيها الامان؟ انسى معاها الاحزان؟
ارجع من الأول و اقول يا اجمل وردة فى البستان.

#ناجي_فاضل (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات