فخ اليمن !!!!!!!!!!!!!

ميشيل الراهب
(Michel Alraheb)

الحوار المتمدن-العدد: 8862 - 2026 / 10 / 18 - 09:10
المحور: الارهاب, الحرب والسلام
    

مصر ناقصها بلاوي إيه عشان تدخل حرب مع الحوثي؟!

شرقك غزة وتهديدات التهجير، وغربك ليبيا والسودان، وجنوبك حروب ومليشيات
وفوق دماغك إثيوبيا وسد النهضة، واقتصادك بيحاول يلقط أنفاسه، وقناة السويس لسه بتعاني، والسياحة مش ناقصة حتى بيان عن استهداف شرم الشيخ!

وفوق ده كله، عندك أزمة نزوح وضغط على السكن والمستشفيات والخدمات والموارد، ومخاطر صحية وأمنية محتاجة إدارة ورقابة.

والمواطن اللي بيشتكي مطلوب منه يستحمل، ولما يسأل عن الحل يبقى هو اللي مش مقدّر الظروف!

فبدل ما نحل كل ده، قررنا نفكر في خناقة جديدة مع الحوثي؟!

هنكسب إيه؟ وديعة سعودية؟ شوية ديون تتشال؟ طب لو خسرنا في المقابل سياحة أو جزءًا من إيرادات قناة السويس، يبقى إحنا كده كسبنا الصفقة ولا اشترينا الخسارة بالتقسيط؟

أمريكا بكل قوتها دخلت في حسابات معقدة مع الحوثيين، وإحنا هنروح نثبت إننا أشطر منها؟ يا ريت بس اللي بيخطط للحرب يحسب تمن الصواريخ والتأمين البحري، قبل ما يطلب من المواطن يحسب تمن العيش!

مصر مش شركة أمن خاصة عند الحلفاء، ولا جمعية خيرية للحروب الإقليمية!

التحالفات مهمة، لكن فيه فرق بين إنك تساعد حليفك، وإنك تدخل حربه وتدفع من اقتصادك وأمنك، بينما هو بيحسب مكاسبه.

أنا مش ضد أي تحرك عسكري له ضرورة حقيقية، لكن عايز أفهم: إيه المصلحة المصرية تحديدًا؟ وإيه المكسب اللي يستاهل كل المخاطر دي؟

لأن السيناريو العبقري إن الحليف يكسب، والحوثي يستنزفك، والسياحة وقناة السويس يدفعوا الفاتورة، والمواطن يشيل الليلة… وفي الآخر يطلع مسؤول يقول لك: لقد عززنا دور مصر الإقليمي!

دور إقليمي إيه يا جماعة؟! هو إحنا بندير مصالح بلدنا، ولا فاتحين دفتر حسابات المنطقة كلها على حساب المواطن المصري؟!


#ميشيل_الراهب

#ميشيل_الراهب (هاشتاغ)       Michel_Alraheb#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل