ظلموك يا مرسي

رمضان عيسى

الحوار المتمدن-العدد: 8861 - 2026 / 10 / 17 - 14:48
المحور: الثورات والانتفاضات الجماهيرية
    

ظلموك يا مرسي لما قعدوك ع الكرسي 

ده الكرسي فن وسياسة،  مش لبس جبة ورئاسة .

ده الكرسي خبز وحرية،  مش عزبة وسلطة حزبية .

ده الكرسي خدمة انسان     مش الأذان في البرلمان .

              ………..

وظلموك يا كرسي      لما جابولك مرسي 

ده مرسي عبد مأمور    ميعرفش يلف ويدور 

مأمور من المرشد ومن النهضة والنور 

فكر نفسه حوت كبير وهو أصغر من قنطور 

عايش في ميه عكره    وما بيعرف إيه المغمور 

عايش ومش داري     إيه حواليه بيدور 

           ++++++++

ظلموك يا مرسي    لما قعدوك ع الكرسي 

ظلموك لما قالوا لك      الإسلام هو الحل 

وانت ما بيدك            لا ربط ولا حل 

وقالوا لك أنت المختار ، والمرشد قال واختار 

وأنت حلال المشاكل   لكل فلاح وعامل 

ثمانين سنة بنستنى      ونحلم ونتمنى 

احنا دعاة الخلافة     والكذب بعيد عنا

وانت إبن الديمقراطية  وانت صوت الحرية 

وانت درع الخلافة      لكل الأمة العربية 

               ++++++++

الشعب له مطالب جدية مش دعاية أصولية 

عايز خبز وحرية   وكلام واضح مية المية 

وبقيت داير محتار     لما الشعب عليك ثار 

ولما حسيت بالخطر صرخت وينك يا قطر 

ده قطر مأمورة  وما بتنفعك عند  الخطر 

وقعت في حيرة بين الشاطر وطلبات الشعب الثائر 

وجالك التحذير       من رئيس  العساكر 

معاك ثلاث ايام          لما تلبي الأوامر 

ولما رفضت النداء لقيت نفسك معزول وطاير 

            *****************

ظلموك يا مرسي لما قعدوك ع الكرسي 

والآن  راحت السكرة     واجتلك الفكرة 

وصارت حياتك دوارة بين المحاكم  والنظارة 

وتهم كبيرة وصغيرة نازله عليك مطارة

تهم كتيرة عليك     أقلها تهمة التخاطر

وبقيت عايش حيران بين الشعب والإخوان 

تنتظر نجدة من أمريكا ومن إرهاب الأفغان 

ونقولك يله يا شاطر    كيف تطلع من هالمخاطر 

لا الشعب يريدك   ولا رئيس  العساكر 

وظلموك يا مرسي لما قعدوك ع الكرسي 

               

              ***********

#رمضان_عيسى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل